Xornada case redonda para os equipos lucenses

Un bo feixe de triunfos e un único empate. Só perderon San Roque e Carballedo

O PM Friol recuperou sensacións e intensidade no seu xogo defensivo e ofensivo ante o Mos (2-0). Un gol tempraneiro de Nere Lombardero e un postreiro de Yuki deixaron os tres puntos na Reigosa. As rapazas de Covi puideron conseguir un resultado máis abultado, especialmente nunha primeira metade salientable.

Luca´s Grill
Moreno´s Pizza

Aviso a navegantes do CD Lugo e outra xornada de empate para o pM Friol B

  • Bergantiños 1-2 CD Lugo
  • Orzán 3-3 PM Friol B

O Lugo deu un golpe sobre a mesa para afianzarse no liderado. Impúxose, con remonta incluida, no campo dun dos favoritos. O Bergantiños adiantouse antes do cuarto de hora nunha primeira parte de alternativas. Irene igualou no tramo final dese primeiro acto. As rapazas de Joaquín tocaron a tecla exacta no descanso e mandaron na segunda metade. No xogo e no marcador, co segundo e definitivo tanto de Irene.

Pola súa parte, o PM Friol B levou un punto da súa visita ao Orzán. A primeira parte foi de tolos, con ocasións para ambos bandos. E aí rexistrouse o 3-3 final. O cadro de Diego Vivero controlou mellor o duelo na segunda metade. Aínda que non puido pasar do empate a pesares de xogar a última media hora en superioridade numérica.

Yuki, autora do segundo gol do PM Friol A

Jenny incendia o derbi da xornada e leire pon líder á milagrosa

  • EF Lalín 1-2 Milagrosa
  • San Roque 1-3 Bandeira
  • Carballedo 1-5 Comercial
  • Cruces 0-8 Chantada
  • Touro 0-2 Monte Forte

A Milagrosa situase no liderado da categoría despois de vencer pola mínima e a domicilio ao Lalín. Dous goles de Leire, un en cada parte, fixeron posible a remonta no Anexo Manuel Anxo Cortizo. A xogadora branquivermella é a clara estrela do equipo dirixido por Héctor. A súa media de tres goles por partido propicia que Leire empece a ter xa moitas noivas. Os quince goles que leva nos cinco encontros disputados convértena no claro atractivo da categoría e unha das xogadoras a temer polos rivais. E a seguir por equipos de superior categoría.

Irene asinou os dous goles do triunfo do CD Lugo

Outro dos fenómenos da Segunda Galicia é a atacante da Comercial Jenny, autora de catorce tantos na presente campaña. Catro goles asinou no derbi ante o Carballedo. As de Iban Crespo non tiveron o seu mellor día ante un cadro vermello que mandou e resultou xusto vencedor. Un gol xusto antes do tempo de lecer puxo o 1-2 ao paso por vestiarios. E Jenny fixo o resto na reanudación.

Pola súa parte, o Chantada goleou ao Cruces con sendos hat tricks de Laura Rodríguez e Eva Piñeiro. As de Álex Cambeiro realizaron unha soberbia segunda metade nun partido sen historia. Ademais, o Monte Forte conqueriu un traballado triunfo fóra da casa con goles de Mougán e Moji. Por último, a melloría do San Roque é unha realidade. Xa non houbo goleada e as de Quiroga cederon nos corenta minutos finais froito do baixón físico que pegaron tralo descanso.

Imagen por defecto
Diego Díaz Martínez

Un enfermo do fútbol lucense. Adestrador Nivel-3 UEFA PRO

Artículos: 829

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.