Xenxo (C.D. Foz): «Volver a Cantarrana será moi especial»

Sete anos despois, Viveiro e Foz voltan a verse as caras en competición oficial na Preferente Norte. Será este domingo ás 18 horas en Cantarrana. Un derbi mariñán que chega logo de que ámbolos conxuntos estrearan a pasada xornada o seu casilleiro de puntos, polo que, o que acade a victoria poderá comezar a mirar cara arriba na táboa clasificatoria.

Un derbi sempre é un encontro especial, máis cando é deste nivel de proximidade. Pero máis aínda se a pasada temporada defendiche as cores do rival do domingo. É o caso de Xenxo. O dianteiro burelao, logo de dúas campañas no Viveiro, decidiu cambiar de aires e convertiuse na referencia ofensiva do conxunto adestrado por Gayol.

Falamos con Xenxo sobre o derbi deste domingo, así como da temporada do Club Deportivo Foz.

FUTBOLINLUGO: Na quinta xornada xa tes que enfrontarte ao teu ex equipo. Será un encontro especial para ti?

XENXO: Si, será un encontro moi especial. Volver a Cantarrana un ano despois con outra camiseta motívame moito. É un campo que me encanta e teño moitas ganas de voltar xogar alí.

FIL: Moitos vaciles ou algún pique durante a semana?

X:  Algúns dos meus mellores amigos xogan no Viveiro, e a semana pasada fixemos unha comida todos xuntos . . . así que imaxínate! Tivemos bastantes piques pero sempre dentro da amizade e do bo rollo.

«Quédanos moita guerra que dar esta temporada»

FIL: O pasado domingo lograstes a primeira victoria da temporada. Quitástesvos un peso de enriba?

X: A verdade é que si. Creo que nos facía falta unha victoria para coller confianza e seguir traballando con máis motivación e máis tranquilidade.

Xenxo, nun encontro da pasada temporada ante o Dubra

FIL: Como estás a ver ao Foz este ano do retorno á Preferente?

X: Vexo un equipo moi ilusionado e cunha calidade indiscutible. A pesar de ser un equipo bastante xove, creo que nos queda moita guerra por dar esta temporada.

«Asier e Ibán Gayol son xogadores diferentes. Xogar preto deles facilítame o meu traballo»

FIL: Levades dez goles encaixados. A debilidade defensiva pode ser o punto máis frouxo do equipo neste comezo de temporada?

X: Costounos un pouco empezar, pero pouco a pouco estamos collendo esa solvencia defensiva e a pesar de encaixar tamén conseguimos marcar en tódolos partidos e crear moitas ocasións.

FIL: A nivel persoal, estás vendo portería e xa levas tres goles. Como te atopas no teu novo club?

X: Moi cómodo. Ter a Asier e a Ibán Gayol cerca axúdame moito. Son dous xogadores diferentes que fan que me sexa máis doado realizar o meu traballo. O resto tamén poñen un nivel moi alto ao fútbol de ataque que fai posible que entre máis en xogo e creemos bastantes ocasións.

«Aposto por un 0-2 en Cantarrana»

FIL: Foi unha decisión complicada tomar a decisión de deixalo Viveiro este verán?

X: Por suposto que foi difícil. Nos dous anos que militei no club tratáronme xenial e este último o vestiario era incrible e claro que me costou despedirme porque como ben dixen antes, teño moi bos amigos. Pero hai que arriscar e no me arrepinto da miña decisión, xa que estou moi contento co grupo formado en Foz, tanto con xogadores, directiva e adestradores.

Esta temporada, Xenxo golea coa camiseta do CD Foz

FIL: Que é o que máis che preocupa do Viveiro o vindeiro domingo?

X: O seu potencial ofensivo. Ten xente moi rápida e con moita calidade arriba. No caso de xogar Arturo, que é un xogador para min excelente, teremos que estar todo o encontro pendentes del.

FIL: Atréveste cun pronóstico?

X: Non me gustan moito as quinielas, pero eu apostaría por un 0-2.

Luca´s Grill
Moreno´s Pizza
Imagen por defecto
Marcos Fernández

Apaixoado do fútbol, en especial do modesto, que aínda mantén os verdadeiros valores do deporte

Artículos: 513

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.