A Real Federación Galega de Fútbol prepara a temporada 2022/2023 no fútbol afeccionado. Unha vez presentada a proposta do plan competicional da Preferente e da Primeira, reuniuse cos clubs da delegación de Lugo para presentar a súa idea de formato na Segunda e na Terceira Rexional.

En principio, a Segunda Galicia volvería estar dividida en dous grupos na provincia. Cada un con 16 equipos. Sería un total de 30 xornadas nas que habería dous ascensos en xogo por grupo. O primeiro clasificado subiría directamente. Do 2º o 5º xogarían un play off do que sairía o outro equipo de Primeira en cada grupo. Ao marxe dos posibles arrastres, só habería un descenso directo.

• A Segunda Norte estaría composta por: Alfoz, Folgueiro, Comercial, Cabreiros, Xermade, Celta Barreiros, Guitiriz, Roupar, Candelaria, Iberia, Meira, Castro B, Muimenta, Goiriz, Cospeito e Fonsagrada.
• A Segunda Sur estaría composta por: San Lázaro, Friol, Guntín, San Roque, Lemos B, Milagrosa, Chantada B, Becerreá, Ferreira, Paradela, Oural, Río Sil, Brollón, Corgo, Sporting Lucense e Carballedo.

De entrada, a Terceira Galicia tamén estaría repartida en dous grupos na provincia. Cada un con 12 equipos. Sería un total de 22 xornadas nas que habería tres ascensos. Os dous primeiros subirían de xeito directo. Do 3º ao 6º xogarían un play off do que sairía outro equipo de Segunda en cada grupo.

• A Terceira Norte estaría composta por: Mondoñedo, Abadín, Matela, Friol B, Rioaveso, Cazás, Celeiro, Catro Roldas, Nuevo Nausti, Racing Villalbés B, Comercial B e San Roque B.
• A Terceira Sur estaría composta por: Palas, Bóveda, Páramo, Quiroga, Incio, Santa Comba, Sober, Relámpago Taboada, Castroverde, Taboada B, Monterroso B e Rubián.

Na Terceira Norte aparecen tres novos equipos que son tres filiais. Os xa comentados nesta páxina Racing Villalbés B e Comercial, xunto co San Roque B. Non obstante, a participación do equipo de Montirón non semella estar clara e o grupo podería quedar finalmente con once equipos.