Unha remontada de líder e dous billetes con dono

O PM Friol confirmou a súa presenza na próxima Terceira RFEF. A Milagrosa estará na fase de ascenso a Primeira Galicia

O PM Friol fíxose aínda máis líder despois de superar ao Sárdoma nun encontro deses que fan afección. E deixan aroma de campión. Xa que as lucenses precisan un só punto para selo. O importante é que o acceso á próxima Terceira RFEF está asegurado. Xa que aínda caendo ao terceiro posto (no peor dos casos), a nave presidida por Geluco Villar estaría entre os mellores terceiros da categoría. E así conqueriría o ascenso igualmente.

Luca´s Grill
Moreno´s Pizza

O partido foi intenso, cun Sárdoma que entrou moi forte e mellor ao mesmo. O cadro de Covi creceu co paso dos minutos pero serían as visitantes as que se adiantaron no marcador, nun rexeite dunha falta. Na reanudación, as locais buscaron o empate pero o rival puxo o 0-2 nunha contra. Lonxe de dar todo por perdido, o PM Friol transformou a súa rabia en fútbol e goles. E remontou con tres goles nos últimos vinte minutos.

Pola súa parte, o filial colleitou o mesmo resultado ante o Tomiño na Reigosa. Os ataques impuxéronse en todo momento ás defensas. As visitantes adiantáronse por dúas veces no electrónico. Anabel igualou en ambas ocasións. Nerea Lombardero puxo a guinda e os tres puntos no minuto 90.

Deportes Élide

No outro partido con representación lucense, desta fase de permanencia da Primeira Galega; o Antas asinou un importante triunfo na súa visita ao Barbanza. O equipo de Melendo dominou e dispuxo de ocasións suficientes como para non sufrir tanto como o fixo ante o Boiro. Abriu a lata no ecuador da primeira metade e aumentou as diferenzas no inicio da reanudación. Un gol local meteu o medo no corpo ás lucenses, que sentenciaron no tramo final cun tanto de Noe Pires.

Resultados da xornada

PM Friol 3-2 Sárdoma

PM Friol 3-2 Tomiño

Concello de Boiro 1-3 Antas

Chantada 6-1 Comercial

Milagrosa 1-2 Bandeira

Touro 1-0 Carballedo

Cruces 1-3 San Roque

A Milagrosa colle billete para o play off polo ascenso a pesares da súa derrota

Non foi unha boa xornada para os nosos representantes da Segunda Galega. Salvo para o San Roque e Chantada, únicos lucenses gañadores nesta pasada fin de semana. Aínda así, esta data serviu para definir os postos para as eliminatorias polo ascenso. Pase o que pase na derradeira xornada; o Chantada será segundo e o Monte Forte, terceiro. A cuarta posición é cousa da Milagrosa.

Noe Pires, autora do terceiro e definitivo gol do Antas

No derbi da semana, o Chantada aproveitou a súa gran posta en escena para mandar por 2-0 ao cuarto de hora de xogo. O control e dominio do partido era das de Álex Cambeiro, que concederon o gol da Comercial nunha falta lateral. Os despistes defensivos estanlle a costar tantos evitables a un Chantada, que precisa corrixir estos erros para competir de ti a ti na fase de ascenso. A segunda metade deixou unha boa versión local e as do Sangoñedo remataron goleando, cun hat trick de Ángeles incluido.

Anabel, bigoleadora do PM Friol B

O outro triunfo lucense foi cousa do San Roque, o segundo da súa historia e ante o mesmo rival. Nai, autora dun dobrete, adiantou a un conxunto verdibranco superior. As de Quiroga perdonaron moitas ocasións e viron como o Cruces igualaba no tramo final. Porén o San Roque non dera a súa última palabra e levouse o gato á auga con dous goles nos derradeiros quince minutos. Xustiza para a superioridade lucense.

No entanto, a Milagrosa e o Carballedo caeron nesta data. O revés das rapazas de Héctor tivo final feliz, xa que estarán nas eliminatorias polo ascenso ao caer a Comercial co Chantada. A escadra branquivermella non deu coa tecla nunha primeira metade que rematou cun 0-2 en contra. Leire foi fiel á súa cita co gol e manteu a emoción ata o asubío final do colexiado.

Por último, o Carballedo deixou os puntos nun duelo igualado e con escasas oportunidades. As do Catro Ventos fallaron e o Touro fixo o único gol do partido desde o medio campo, aproveitando o aire que sopraba sobre o céspede. O Monte Forte descansou nesta xornada.

Éxito rotundo das seleccións galegas

Os combinados sub17 e sub15 galegos clasificáronse de xeito brillante para as finais do Campionato de España. Mención especial merecen a monfortina Carmen Carballada, titular nos dous partidos disputados pola selección sub17; e a adestradora Alba Meilán (sub15).

Imagen por defecto
Diego Díaz Martínez

Un enfermo do fútbol lucense. Adestrador Nivel-3 UEFA PRO

Artículos: 857

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.