Un punto moi sufrido e un novo líder no medio do caos

No medio da situación que impera hoxe na sociedade mundial, non queremos deixar de facer o noso repaso semanal ao fútbol feminino provincial. Competicións que, á espera de novas, non se disputarán nos próximos quince días.

Un conxunto que xa non tivo competición a pasada fin de semana (por motivos alleos ao coronavirus) foi o PM Friol. Porén, a Primeira Galicia sí que presentou unha xornada chea de emoción. A SD Antas conseguiu un merecido pero sufrido punto ante o Sárdoma «B», un rival que presentou moitas dificultades para as de Chapa polo seu xogo físico, ao que se sumaron as baixas das locais; pese a todo, as celestes conseguiron un 1-1 que lles serve para manterse na pelexa por non descender.  O PM Friol «B» continuou coa súa positiva xeira de victorias, ao imponerse por 3-0 ao Betanzos.

Na Segunda Galicia, a mellor nova veu dada polo CD Lugo, que se impuxo por 1-2 ao líder, o Sporting Cambre, e arrebatoulle o liderato e a condición de imbatido. Tras un partido impecable no que os nervios xogaron alguna mala pasada ao comezo, as rapazas albivermellas souberon reporse, remontar o duelo e conseguir o feito de depender de elas mesmas para obter o título a falta de tan só sete xornadas.

O Carballedo CF non tivo partido, xa que o correspondente a esta xornada foi adiantado por mor da Feira do Viño (saldárase con 3-1 a prol do Victoria CF «C», mentres que a SG Comercial firmou un partido moi serio e moi completo que lle deu a victoria por 0-1 na casa do Xuventude de Crendes. Asemade, a SD Chantada tampouco xogou, e o seu partido ante o Betanzos «B» está previsto para o 22 de marzo.

No Fútbol-7, a SD Burela venceu por 1-2 ao Atlético San Pedro e manténse no coliderato, mentres que a SCD Milagrosa caeu 3-1 na casa do Orzán «C».

Por último, queremos enviar unha forte aperta e moitos ánimos a Rebeca, xogadora da SD Antas que sufriu unha fractura de peroné no adestramento do seu equipo o pasado venres. Agardamos que pronto estea de novo dando guerra polo Castro Seoane.

Luca´s Grill
Moreno´s Pizza
Imagen por defecto
Santi Real

De campo en campo. Maniaco do fútbol. En formación continua, aprendendo cada día.

Artículos: 525

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.