Trío de Ases Terceira (xornada 32) e Preferente (xornada 31)

Xornada de derbis. Non só lucenses, senón comarcais. Coma o que disputaron o sábado o Castro e o Outeiro de Rei. Un partido sen moita historia. De claro color vermello de principio a fin. Omar e Iván González, con sendos dobletes, demostraron que a experiencia é un grao. Esta goleada deixa ao cadro de Juan Peón virtualmente descendido, a falla da pertinente confirmación matemática. O derbi dominical, disputado nas Valgas, tamén rematou en goleada. O Ribadeo apura as súas opcións de ascenso logo de superar a un Viveiro, que concedeu demasiadas facilidades en defensa. Un gol ao principio de cada tempo tumbou aos de Chusky, que tiveron dúas oportunidades claras. Non as aproveitaron e os de Cantarrana seguen en problemas.

Máis dificultades ten aínda o Atlético Escairón, que perdeu na casa ante o Atlético Arteixo. De pouco valeu o tempraneiro gol de Quiroguita. O que sí colleitou un punto importante foi a Residencia. Empate agridoce no feudo dun rival directo como o San Tirso. E dicimos agridoce porque Róber tivo un man a man no desconto, que a defensa coruñesa sacou na mesma liña de gol. Ademais, o Polvorín pechou a xornada na Preferente cun espectacular triunfo no Poboado. Remontou o gol do exblanquivermello Adrián Iglesias na derradeira media hora ante o As Pontes con goles de Jhon Cuadretti e Javi Rey. O do ’10’ espectacular nunha xogada individual. Tres puntos de ouro nun encontro no que se afastou a un rival e os posibles nervos que puideran aparecer cunha nova derrota. Por último, o Racing Villalbés non pasou do 0-0 inicial ante o Negreira. Encontro gris e agardemos que non haxa que recordar os dous puntos que voaron da Magdalena. A boa noticia é que os chairegos seguen en postos de promoción de ascenso.

Luca´s Grill
Moreno´s Pizza
Imagen por defecto
Diego Díaz Martínez

Un enfermo do fútbol lucense. Adestrador Nivel-3 UEFA PRO

Artículos: 857

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.