Trio de Ases Terceira e Preferente (Xornada 1)

Cando aínda parece estamos na plenitude do verán, chega o fútbol e benvido sexa. A Terceira e a Preferente xa botaron a andar, con sorte dispar para os nosos representantes. Foron quen de acadala victoria a Sarriana e o Ribadeo. O cadro sarriao gañou con autoridade ao San Tirso (3-0) nun encontro no que os de Alberto López levaron o mando do partido. Adiantáronse cun gol de Marzán na primeira metade e nada máis comezala segunda, con só trinta segundos transcorridos Omar fixo o segundo. O terceiro foi obra de Rubén Díaz.

Pola súa banda o Ribadeo desfixo o maleficio de comezar a liga sen victoria e desfíxose do recén ascendido Agolada por dous goles a un nun encontro moi disputado. Adiantou aos mariñáns Aitor tras unha gran xogada de Lucky e tras un dubidoso penalti os visitantes lograron o empate. Eran os peores momentos do Ribadeo, pero no minuto 73 Poratti decidiu o partido logo dunha xogada colectiva.

O Castro arrancaba a temporada logo dun verán cheo de dúbidas e a piques estivo de facerse cos tres puntos ante o Atlético Coruña Montañeros que rematou empatando (2-2). No minuto 54 Dani Montes adiantou aos de Edrosa cun auténtico golazo por toda a escadra e dez minutos máis tarde Navia fixo o segundo logo dun barullo na área. Malia ter o encontro aparentemente controlado un libre indirecto dentro da área serviulle aos coruñeses pra recurtar distancias e preto do final un xogadorazo como Herbert logrou a igualada ao executar unha falta directa.

O Viveiro non puido comezala temporada con bo pé e perdeu en Cantarrana por un tanto a dous ante o Arzúa. Os de Chusky costoulles entrar non encontro e no minuto dezasete xa perdían por dous goles. A partir de ahí o partido igualouse pero o Viveiro non estivo acertado nas áreas. Recurtou diferencias Tichu e aos poucos minutos Arturo errou un man a man ante o porteiro rival que puido supoñer o empate

O Foz caeu derrotado na Pobra no partido do seu retorno a Preferente. Un erro defensivo propiciou que se adiantaran os locales. Nun encontro igualado, Xenxo e David Rodriguez tiveron opcions de gol pero este so chegou por medio de Dani Chao preto do final. 

O Polvorín non puido sacar na positivo da visita a San Lázaro e caeu derrotado (2-0). O lucense Santi Gegunde adiantou ao Compostela na primeira metade, e os santiagueses gozaron de ocasións para ampliar as diferencias. O filial lucense tamén tivo as súas, destacando unha de Cuadrado no minuto 68. Os de Durán foron quen de competir ante o campeón da pasada liga. A falta dun cuarto de hora, o ex deportivista Piscu sentenciou o encontro.

Non puido pasar do empate o Racing Vilalbés na Madelena ante o recén ascendido Porriño Industrial (0-0). Foi quen levou o peso do partido, pero a falta de acerto cara a porta contrario privou aos chairegos do triunfo. Álex Pérez na primeira metade e Juan de Dora e Make preto do final tiveron as máis claras.

 

Luca´s Grill
Moreno´s Pizza
Imagen por defecto
Marcos Fernández

Apaixoado do fútbol, en especial do modesto, que aínda mantén os verdadeiros valores do deporte

Artículos: 501

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.