Susto maiúsculo no derbi, o regreso de Rois e a primeira derrota do Outeiro

O Sangoñedo enmudeceu por un momento. Todo quedou nun mal pesadelo

Aquí, con todos vostedes, os resumos e os Máxicos desta emocionante novena xornada ligueira na Primeira Galicia.

*Monterroso-Riotorto: O Riotorto mostrouse coma un rival moi incómodo ante o novo segundo clasificado da Primeira. O fútbol directo reinou en Cerdeiriños. O Monterroso sufriu no acto inicial ante os de Suso Orxás, que non viron porta debido á súa falla de puntería. Na segunda metade mantívose a mesma tónica de balóns en longo. Os da Ulloa melloraron as súas prestacións e leváronse os puntos co solitario gol de Fente no tramo final. Nesa xogada, os de Óscar Méndez quedaron cun home menos pola expulsión de David. Os locais aguantaron o tirón en inferioridade e colócanse en ascenso directo.

*Folgueiro-Chantada: Boa Vista segue a ser un pesadelo para todo visitante que se precie. Máis aínda cando Aurelio logrou firmar un doblete antes do cuarto de hora. O cadro do Sangoñedo repúxose e acurtou diferenzas antes do tempo de lecer. Tralo paso pola zona de vestiarios, os chantadinos empataron e Javi Ramos xa tiña tamén o seu doblete. Nos últimos minutos, o balón parado resultou decisivo. Na previa dun intenso desconto, Oki puxo o 3-2 de penalti. Porén, os de Juan Rodríguez salvaron un punto nun saque dende o curruncho no minuto 94. Un premio á insistencia do Chantada despois do caudal ofensivo que mostraron na Mariña.

*Castro-Friol: Resultado enganoso para un encontro que non se resolvou ata os minutos finais. O Castro levou a iniciativa ante un combativo Friol, que vendeu cara a derrota a pesares da súa escasa pegada. Na primeira metade, as ocasións serviron de pouco. Os goles chegaron na reanudación. Os de Jon Vázquez dispuxeron dun man a man de Rafa que o colexiado invalidou por suposta falta anterior de Felipe. Acto seguido, chegou o gol dos de Vitín. O cadro chairego non era capaz de aumentar a súa renda. E os da Reigosa queimaron todas as súas naves na busca do empate. Descoidaron a súa retagarda e os locais mataron o partido ao contragolpe cun doblete de Niko Edrosa.

*Pastoricense-Burela: Baixo unha tremenda chuvieira e cun paraugas no que ambos conxuntos reclamaron varios penaltis, o Burela impuxo a súa lei. Na primeira metade apenas sucederon cousas. Os goles e a emoción apareceron na segunda. Adiantouse o cadro de Jaime Méndez cun tanto de Jony. A partires de aí, o Pastoricense subiu liñas. Xerou perigo a balón parado, unha das súas grandes fortalezas. Porén os tres puntos fóronse para A Mariña coa sentenza de David Ben.

*Guntín-Xove Lago: O Guntín estase a facer forte en Ladairo. Na primeira media hora feriu de gravidade a un Xove Lago descolocado. Os de Martín dominaron a través do xogo directo e as segundas xogadas. E marcharon cun 3-1 ao descanso ante un rival que puido marcar algún gol máis. Na reanudación, os visitantes recurtaron diferenzas. E perdonaron en exceso ante un Guntín, que matou o encontro nun erro mariñán nas postrimerías do encontro.

*Pol-Lourenzá: O colista rozou o susto no Manuel Luna. Abriu a lata un Pol ao que lle sentou mal o gol. Viuse abaixo ante o ímpetu laurentino. Recalde igualou de penalti e Luis Santamarina fixo o segundo á volta de vestiarios. Os de Fernando Corredoira apostaron entón por defensa de tres homes na busca da remontada. As alternativas foron tales, que do posible 2-3 (anulado) pasouse ao 3-2 definitivo. Panchito asinou un doblete e Rois regresou aos terreos de xogo despois da súa lesión de menisco.

*San Roque-Santaballés: Guion xa visto na Polvoreira. Fútbol directo, tensión e todos os goles chegando a balón parado. O ritmo lento da primeira metade deu paso ao maxistral servizo de Cumbraos dende a esquina para Borja na reanudación. 1-0 e tocaba remar contracorrente pola Chaira. O Santaballés tirou de oficio. Igualou nun lanzamento de falta directa de Pelao e levou o triunfo no límite, cun tanto de penalti de Álex Novás.

*Atlético Escairón-Outeiro de Rei: Chegou a primeira derrota da temporada para un Outeiro que sae da zona de ascenso. O Atlético Escairón firmou un partido moi serio e deixou os tres puntos no Saviñao. Os de Montoto marcaron nada máis comezar, souberon sufrir e afogaron ao seu rival cunha intensa presión alta. Os de Josito Jul nunca atoparon o seu xogo ante un conxunto azulón rápido e vertical, que matou o encontro nun rexeite dun saque de esquina.

*Chantada Atlético-Taboada: Emocións a flor de pel nun derbi no que o resultado foi o de menos. Un escalofriante choque de cabezas entre Fede e Álex Ratón rematou con este último no hospital. Con final feliz, iso sí. Todo está en orde. No relativo ao xogo, o encontro desatouse na media hora final despois dunha primeira parte sen apenas ocasións claras. Nun carrusel de chegadas para ambos equipos, o Taboada golpeou primeiro no minuto 85. E o Chantada Atlético salvou o empate nunha contra no día do regreso de Fran García coma técnico principal.

Luca´s Grill
Moreno´s Pizza
Imagen por defecto
Diego Díaz Martínez

Un enfermo do fútbol lucense. Adestrador Nivel-3 UEFA PRO

Artículos: 861

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.