Palabra de… Fernando Currás: «Observar e actuar»

Como no fútbol, débese observar e actuar ante o planteamento ou movementos no céspede do rival. Sen embargo, hoxe non veño a falar de nada do que pasa no campo. Hoxe, veño a escribir sobre o que vemos todas as semanas nos campos de fútbol onde se están a disputar partidos de Fútbol Base. Alguén pensou en poñer un medidor de palabras mal soantes en encontros de nenos de sete a dez anos? Eu si.

Ben, meténdonos no tema do que vos veño a falar, que será de observar e actuar nos campos onde se xogan partidos de Fútbol Base, coméntovos que son moitos os nenos que están a xogar ó fútbol na nosa cidade. Supoñendo que xa o saberedes, moitos deles chegan a idades de Cadetes ou Xuvenís cansados de xogar no fútbol federado e vanse a xogar pachangas cos colegas ou mesmo a participar na Liga Pirata que se xoga polas noites nos distintos polideportivos da cidade das murallas. Alguén sabe cal é o motivo disto?. Como unha persoa normal, un neno tamén ten inquietudes e malestar, e eu persoalmente, supoño que os nenos se cansan do fútbol na época de madurez por todo o que viviron no mundo do balompé federado. Dende moi pequenos acostúmanse a comerse o árbitro se hai algunha xogada dubitativa ou mesmo a mandar calar a grada como fan algúns dos seus ídolos na televisión.

É evidente que os pais serán forofos do seu neno e do equipo no que xogue, é inevitable. Aínda así, penso que o comportamento dos pais, en casos aislados, non é o idóneo, e isto hai que paralo. A estas alturas do artigo supoño que vades entendendo o titular: observar e actuar. Nun campo onde están xogando nenos/as a un costado e outros tantos ao outro, sempre hai un sector no que hai un ou uns pais extremadamente forofos. Se o árbitro é malísimo, se ese está provocando o meu fillo, se me encaro cun pai rival, se o preparador puxo pouco o meu fillo ou o gol que nos meteron é culpa do adestrador… Tamén están os que din o seguinte: ‘metímoslles vinte a estes, que bos son os nosos chavales’ nunha conversa entre pais do mesmo equipo de rapaces que lle acaban de gañar a outros rapaces de 7 anos. Este último tema xa o recalcou a semana pasada, e a perfección, Manu Amor neste mesmo portal.

Volvendo ao parágrafo anterior, hai un sector de pais extremadamente forofos en cada campo. Si, algún de ese grupo foi o que me gritou ‘fillo de…’ dende a grada do Corgo mentres que eu xogaba un encontro co Sagrado Corazón con 15 anos. Eu, primeiro, observei, e tras decatarme de cal dos espectadores era, actuei dicíndolle: ‘somos chavales, só queremos xogar’. Outro exemplo vivino na actualidade cando fun a Coruña co Senior Feminino B da Milagrosa, onde un fillo colleu unha botella que estaba nun muro diante de seu pai e, tendo a porteira de Frigsa diante, díxolle o pai ó fillo: ‘tíralla a cabeza’, mentres que o fillo respondeu: ‘papá, para xa’.

Penso que todo está dito e posto sobre a mesa. Penso que é hora de que observedes nun campo de fútbol e actuedes da mellor maneira posible, que é evitar o forofísmo no Fútbol Base.

 

Fernando Currás, ex xogador de Fútbol, Jefe de Prensa da SCD Milagrosa e Redactor de 21 Noticias.

Luca´s Grill
Moreno´s Pizza
Imagen por defecto
Santi Real

De campo en campo. Maniaco do fútbol. En formación continua, aprendendo cada día.

Artículos: 523

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.