![](http://futbolinlugo.es/wp-content/uploads/2019/04/Xove-Sanci-300x166.jpg)
O chamado fútbol base… Ese que comprende o fútbol de formación dende os 6 anos ata os 19. Aínda que esta formación non se deten nunca ao ter a posiblidade de aprender algo novo en cada adestramento. Dito fútbol é unha das mellores etapas dun xogador, pero centrareime nas categorías infantil, cadete e xuvenil, sendo esta última na que máis disfrutei.
Cando comezas en infantís non sabes que seguramente ese grupo de xogadores cos que vas iniciar a tempada sexan os teus compañeiros ata o teu último partido de categorías inferiores. Nesta etapa comezas a formar o teu grupo de amigos, os cales son compañeiros do equipo. Estas amizades faranse cada vez maiores a medida que vaian pasando as tempadas. Por iso o fútbol base é unha das mellores etapas, xogas ao que máis che gusta cos teus amigos.
![](http://futbolinlugo.es/wp-content/uploads/2019/04/Sanci-300x200.jpg)
A medida que van pasando os anos e tes máis consciencia sabes que iso de xogar sempre cos teus amigos vaise rematar. Por iso penso que xuvenís é o período no que máis disfrutas, debido a que te das conta que non seguirás xogando coa maioría de amigos cos que o viñas facendo ao rematar esta etapa. No salto ao fútbol sénior sepárase ese grupo de amigos que levaba todo o fútbol base xogando xuntos. Neste salto: uns chegan ao primeiro equipo, outros fichan por diferentes conxuntos e tamén hai quen o deixa e non quere seguir xogando.
Pero ao comezar unha nova etapa no fútbol sénior, no primeiro equipo no que xogache nas categorías inferiores ou noutro calquera, vólvese a cumprir en certa medida o que para min é unha das mellores cousas do fútbol que é poder facelo cos teus amigos. Xa que aínda que comeces o ano sen coñecer de nada a algún compañeiro, ao longo da tempada eses descoñecidos para ti iranse facendo os teus amigos.
![](https://futbolinlugo.es/wp-content/uploads/2024/01/concelloguitiriz.gif)
![](https://futbolinlugo.es/wp-content/uploads/2024/01/PlayaCova-1.gif)
Xoel Vázquez. Amigo dos seus amigos, xogador do San Ciprián.
![](https://futbolinlugo.es/wp-content/uploads/2025/01/resolucionconcorrenciadeputacion1.gif)