Palabra de… Xoel Vázquez: “Amigos do fútbol base”

No fútbol formativo é o momento no que moitos amigos chegan para quedarse
Un derbi ante o Xove Lago. ANTONIO VAZTRA

O chamado fútbol base…  Ese que comprende o fútbol de formación dende os 6 anos ata os 19. Aínda que esta formación non se deten nunca ao ter a posiblidade de aprender algo novo en cada adestramento. Dito fútbol é unha das mellores etapas dun xogador, pero centrareime nas categorías infantil, cadete e xuvenil, sendo esta última na que máis disfrutei.

Cando comezas en infantís non sabes que seguramente ese grupo de xogadores cos que vas iniciar a tempada sexan os teus compañeiros ata o teu último partido de categorías inferiores. Nesta etapa comezas a formar o teu grupo de amigos, os cales son compañeiros do equipo. Estas amizades faranse cada vez maiores a medida que vaian pasando as tempadas. Por iso o fútbol base é unha das mellores etapas, xogas ao que máis che gusta cos teus amigos.

Un domingo clásico en San Ciprián. CANTI

A medida que van pasando os anos e tes máis consciencia sabes que iso de xogar sempre cos teus amigos vaise rematar. Por iso penso que xuvenís é o período no que máis disfrutas, debido a que te das conta que non seguirás xogando coa maioría de amigos cos que o viñas facendo ao rematar esta etapa. No salto ao fútbol sénior sepárase ese grupo de amigos que levaba todo o fútbol base xogando xuntos. Neste salto: uns chegan ao primeiro equipo, outros fichan por diferentes conxuntos e tamén hai quen o deixa e non quere seguir xogando.

Pero ao comezar unha nova etapa no fútbol sénior, no primeiro equipo no que xogache nas categorías inferiores ou noutro calquera, vólvese a cumprir en certa medida o que para min é unha das mellores cousas do fútbol que é poder facelo cos teus amigos. Xa que aínda que comeces o ano sen coñecer de nada a algún compañeiro, ao longo da tempada eses descoñecidos para ti iranse facendo os teus amigos.

 

Xoel Vázquez. Amigo dos seus amigos, xogador do San Ciprián.

Imagen por defecto
Diego Díaz Martínez
Polivalente hiperactivo. Enfermo do "balompié". Só estás a un mal día de ser coma min.
Artículos: 755

Deja un comentario