Os sobranceiros da Terceira na undécima xornada

O Cervo é o primeiro equipo da Terceira Galicia que está clasificado para a liga polo ascenso á Segunda que comezará en xaneiro. No grupo centro e sur, houbo cambio de líderes despois de varias xornadas; o Fonsagrada e o Sober encabezan nestes momentos a clasificación, nunha fin de semana na que descansaron o Rábade e o Río Sil.

Con 26 puntos e unha diferenza de catro sobre o Goiriz e o Catro Roldas, o Cervo aínda non ten fixo o seu posto na clasificación pero si é seguro que finalizará entre os tres primeiros, xa que ten unha diferenza de nove puntos (os que quedan en xogo) co Muimenta pero co gol average a favor. Aínda que finalizase terceiro, pasaría sempre a seguinte fase porque ningún terceiro dos outros grupos podería alcanzalo en puntuación debido aos duelos directos que aínda se teñen que xogar meses grupos. Todo isto despois de que derrotase a un Celeiro que fixo un dos mellores partido do curso, pero que non lle serviu para tumbar ao líder.

Agora o segundo é o Goiriz logo de vencer a un Catro Roldas que se adiantou no marcador cun gran gol de volea de Esteban Boo, pero que viu como os locais rapidamente igualaron para despois na segunda metade consumar a remontada. Cuarto segue o Muimenta que aproveitou o duelo directo da xornada para manter as opcións de clasificarse despois de derrotar ao Cazás. Pola contra, ó Celta Barreiros só lle queda unha mínima esperanza para estar nesa liga; tería que gañar todos os seus encontros e que o Goiriz perdese tamén os tres que lle quedan. Todo isto despois de golear ao Rioaveso e deixar ao conxunto vilalbés sen ningunha opción, ademais de cortarlle a súa xeira de tres vitorias consecutivas.

No grupo centro, o Fonsagrada é o novo líder ao vencer con claridade ao Laxosa e aproveitar a derrota dun Corgo que non lle chegou co regreso de Debasa e o seu gol e caeu pola mínima (2-1) diante da Comercial. Tamén gañou por goleada o Guntín (ante o Friol B) que segue na súa boa xeira e achégase a segunda praza. Neste grupo a clasificación está máis igualada e, incluso, o penúltimo clasificado que é o Friol B tería aínda unha remota opción de clasificarse. Tería que gañar todos os encontros que lle restan e que a Comercial perdese os seus, habendo un choque entre ambos na última xornada. Ademais, tería que contar con que o terceiro do grupo sur non o superase en puntos.

No grupo sur, agás o FC Becerreá ,o resto de equipos teñen opción de pelexar por estar na liga polo ascenso. O Sober é o novo líder, logo de golear ao Incio (ata entón primeiro clasificado) e dar un paso adiante de cara o segundo tramo de competición. O conxunto soberino segue sendo o equipo menos batido do seu grupo poñendo en valor o traballo de Víctor baixo paus. O Relámpago Taboada recupera folgos despois de vencer por 1-2 ao Quiroga nun partido no que o conxunto local mereceu algo máis. O Paradela desaproveitou a oportunidade de avanzar na clasificación (xa que o Río Sil descansaba) ao non pasar do empate ante o Becerreá FC.

 

Luca´s Grill
Moreno´s Pizza
Imagen por defecto
Iván Calaza

Criado no paraíso da Terra Chá. Fútbol, entre outras moitas cousas. Hai unha vida máis barata, pero iso non é vida nin é nada.

Artículos: 550

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.