Os sobranceiros da Terceira na 18ª xornada

O duelo directo polo liderado no norte deixa todo aberto para as últimas catro xornadas. Aos postos que manteñen o Muimenta e o Alfoz achégase un Matela que é o equipo máis en forma da categoría. No sur, o Paradela estivo a piques de cantalo ascenso. Terá unha nova oportunidade en dez días ante o Quiroga. Dese encontro estará pendente o Antas que despois de volver ao camiño da vitoria opta ao ascenso directo. Quiroga e Río Sil descansaron nesta xornada.

No grupo norte, os dous primeiros clasificados enfrontáronse entre si. E todo quedou case como estaba. O Alfoz e o Muimenta igualaron a un gol no Municipal. Julio Jartín adiantou aos visitantes, pero Valea igualou rápido para os locais. O propio Valea, Legaspi e Martín destacaron no cadro alfocense. Julio, Hugo e Jairo lideraron ao equipo celeste. O Matela aproveitou o empate dos rivais, para gañar ao Lugo Unión e achegarse en tres puntos ás posicións de ascenso. Soto (cun tanto e un pase de gol) e Xurxo guiaron a un conxunto de Outeiro que non deu opción aos visitantes. O Catro Roldas afianza o posto de promoción ao vencer a domicilio ao Celeiro. Cleno con dobrete, Mario, Esteban e un bo gol de foron os protagonistas. O Catro Roldas probou o seu quinto porteiro da tempada. Unha vez máis, un xogador reconvertido a esa posición, o extremo Moha. Os locais estiveron lastrados polas lesións de Silva e Payu. Aínda así, sobresaíu Dani Liz cun bo gol e un gran partido.

As derrotas da Mila e da Fonsagrada ábrenlle o camiño de novo ao Celta Barreiros para pelexar pola promoción. Foi o propio cadro celeste quen venceu á Milagrosa pola mínima no Cascabeiro. O gol de Xian resultou decisivo. Álvaro volveu liderar o medio do campo e Joserra (que substituíu a Abel por lesión na porta) evitou o empate cunha gran parada. Pola súa banda, o Fonsagrada madrugou para xogar o partido antes do forte da Feira do Butelo, pero viuse sorprendido polo Friol B. Na zona baixa, o Rioaveso e o Cazás empataron a dous goles.

No sur, o Paradela non puido ascender logo de empatar no seu partido ante o Río Sil. Adiantarse por dúas veces con goles de Esteban non lles chegou aos pupilos adestrados por Rubén Bergantiños. Javi levou o peso no medio do campo por parte dos locais e Canteiro no visitantes. Panizo efectuou un gran lanzamento de falta. David Abella do Paradela foi sancionado con oito partidos por, segundo o Comité de Competición, agarrar, empurrar, ou producirse mediante outras actitudes cara os árbitros.

A dous puntos do ascenso queda o Antas que derrotou pola mínima ao Relámpago Taboada. O monterrosino Cumbraos marcou o único gol do encontro. Un pouco máis descolgado dos dous primeiros queda o Castroverde que leva cinco empates consecutivos. Adiantouse dúas veces ante o filial do Taboada, pero os locais conseguiron darlle a volta ao marcador. O Castroverde empatou no tramo final. Seso, David Potente e Manu Vila destacaron no filial taboadense. Os visitantes notaron a baixa do gardamallas Rois. Afianza (con dous puntos de vantaxe) o seu posto de promoción ao Sober que amosou a súa superioridade diante do Lemos B. Luis e Jacobo guiaron o triunfo do cadro soberino.

Luca´s Grill
Moreno´s Pizza
Imagen por defecto
Iván Calaza

Criado no paraíso da Terra Chá. Fútbol, entre outras moitas cousas. Hai unha vida máis barata, pero iso non é vida nin é nada.

Artículos: 550

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.