Os onces da vixésimo sétima xornada na Segunda

A falta de tres xornadas para que remate a competición na Segunda Rexional, o Friol xa é equipo da Primeira Galicia logo de vencer esta xornada ao Oural e aproveitarse da derrota do Chantada Atlético. A outra praza de ascenso decidirase entre catro candidatos. Máis igualada aínda está a pelexa no grupo norte, xa que os tres primeiros clasificados están nunha diferenza dun punto e tres equipos máis tamén teñen opcións de meterse neses postos.

O Burela continúa como líder ao volver ao camiño da vitoria ante a Candelaria. Non obstante, Pol e Folgueiro séguenlle o paso moi de preto. O equipo adestrado por Roberto Rielo sumou a súa sexta vitoria consecutiva ao vencer pola mínima ao Cospeito cun gol de Roberto. Pola súa banda, o Folgueiro logrou o seu quinto triunfo seguido ao derrotar con claridade a un Ourol que se presentou con dez futbolistas. Aurelio volveu marcar un novo hat-trick. A cinco puntos da segunda praza de ascenso sitúanse tres equipos. O primeiro deles o Guitiriz que perdeu fronte a outro rival directo o Cabreiros (6º) cun gol de Cristian e que xogou case toda a segunda metade con dez. No medio dos dous, situáse o Lourenzá que venceu na casa ao Matela. A vindeira xornada Cabreiros e Lourenzá enfrontaranse nun duelo que pode determinar quen dos dous sigue con opcións de ascenso.

Na zona media, o Roupar consolida o sétimo posto coa vitoria ante o Iberia grazas, en parte, a un gol de Jacobo Ares nos últimos instantes do choque. O Mondoñedo deu un paso importante na loitar por evitar o descenso e tamén os arrastres ao derrotar a domicilio ao Alfoz cun gol de Manu Vázquez. No duelo máis directo da parte baixa na xornada, o Abadín e o Meira empataron a un gol.

No grupo sur, o Friol ascendeu sen xogar despois dos resultados que se produciron na xornada. Antes fixo os deberes ao vencer a domicilio o Oural. O equipo friolés ten moi preto tamén o campionato xa que ten unha vantaxe de oito puntos sobre o Chantada B que caeu derrotado pola mínima ante o Brollón con gol de Casa. Aínda así, mantén a praza de ascenso con tres puntos de marxe sobre o Chantada Atlético que perdeu na súa visita a Santa Comba con gol de Hugo López que mantén opcións matemáticas de pelexar polo ascenso. Polo medio, seguen na loita o Oural (a pesar da derrota co líder) e o San Lázaro que gañou en Portomarín cun gol de Luis Fernández nun gran encontro dos locais.

Na zona media, o Palas fíxose co sétimo posto ao gañar a domicilio nun dos derbis da Ulloa ante o filial do Monterroso. O Becerreá segue sumando despois de espertar nos minutos finais do enfrontamento ante a Milagrosa e empatar os dous goles de desvantaxe. O Sporting Lucense aférrase a categoría ao sumar o seu segundo triunfo consecutivo ante un rival directo como o Rubián. Vitoria importante do Castroverde que colle diferenzas con respecto as posicións de descenso directo ao vencer ó Antas.

Luca´s Grill
Moreno´s Pizza
Imagen por defecto
Iván Calaza

Criado no paraíso da Terra Chá. Fútbol, entre outras moitas cousas. Hai unha vida máis barata, pero iso non é vida nin é nada.

Artículos: 548

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.