Os onces da 7ª xornada na Segunda

O San Ciprián mantense no máis alto da zona norte da Segunda Rexional. Ademais queda como único equipo invicto do grupo. O Cabreiros entra por primeira vez na tempada en postos de ascenso directo. No grupo sur, mantense a igualdade na cabeza entre o Páramo, o Ferreira e o San Lázaro. Os cinco primeiros clasificados empataron nesta xornada. Entre eles o Paradela que segue invicto. 

No grupo norte, o Sanci venceu na súa casa ao Mondoñedo FC. A quinta vitoria do curso. O porteiro suplente Martín saíu como xogador de campo no último tramo do partido e marcou o gol da sentencia. O cadro mindoniense estivo no encontro, pero unha xornada máis continúa sen gañar. Aínda que non estreou a súa puntuación de tres, mantense fóra dos postos de descenso. A segunda posición é ocupada agora polo Cabreiros. O cadro preparado por Abel Rochela venceu a domicilio ao Goiriz. Terceira vitoria seguida. Empatado a puntos co equipo xermadino tamén está o Alfoz. A cuarta vitoria consecutiva chegou como visitante ante o Roupar. O gol de Dani Río resultou decisivo. O xogador que participou no All Star Futbolinlugo 2019 estreouse como goleador neste curso. O Xermade reencontrouse coa vitoria nun dos partidos da xornada ante o Guitiriz. Hugo adiantou aos seus de falta. O conxunto guitiricense igualou ao pouco. Pero o Xermade volveu poñerse por diante antes do descanso. Marcaría dous goles máis na segunda metade. Pedro Coria marcou un dobrete.

O Meira volveu gañar despois de catro xornadas sen facelo. Venceu ao Muimenta nun duelo de proximidade. Tamén regresou ao camiño da vitoria o Sporting Pontenova. Derrotou pola mínima na Mina á Candelaria. O Abadín conseguiu o segundo triunfo seguido. Superou ao Iberia cun gol. O tanto de Álex foi decisivo. O cadro de San Miguel de Reinante presentouse ao encontro sen porteiros. Seijo leva lesionado dende a pretemporada e Pelayo operouse dunha man a semana pasada. Balbón asumiu a responsabilidade baixo paus. No gol rival non puido facer nada. É o que tamén conseguiu o segundo triunfo da campaña foi o Cospeito. Ademais ante un rival da parte alta que aínda non perdera. O Celta Barreiros non se atopou na Fonte. Aínda que foi quen de marcar tres goles. Os locais cortaron unha xeira de tres derrotas seguidas. O Goiriz e o Roupar seguen ocupando postos de descenso.

No grupo sur manda a igualdade. Tanto na parte alta da clasificación como nos resultados da xornada. Catro dos oito partidos acabaron en empate. O líder continúa sendo o Páramo por maior diferenza de goles. O conxunto adestrado por Brais Vázquez igualou no Derbi do Loio co Paradela. Un partido no que houbo seis goles. O Paradela mantense fiel a estatística de gañar un partido, empatar outro e así sucesivamente. Desaproveitou a opción de colocarse primeiro o Ferreira. O conxunto de Pantón tamén empatou. Foi nos Chacotes ante o Palas. O gol do local Ángel é dos que se recordan. Execución maxistral dunha falta directa. Os perseguidores do ascenso directo igualaron a un gol no Carboeiro. O San Lázaro deu a talla ante o Incio no primeiro tempo. No segundo período as forzas estiveron máis equilibradas. Vila empatou o encontro cun bo gol. Pero os pupilos de Diego Rey puideron levarse a vitoria nos intres finais. O pau evitouno.

Para atopar un equipo que gañara a pasada fin de semana hai que ir ata o oitavo posto. O Santa Comba derrotou pola mínima ao Corgo. Terceiro triunfo do que vai de liga. Pola contra o Corgo baixou ata postos de descenso. Tamén por un gol gañou o Chantada B ao Quiroga. O gardamallas Adri García evitou que a diferenza fose maior. O Río Sil foi quen de derrotar ao Portomarín. Ante a falta de acerto da zona de ataque, foi o central Anllo quen marcou o gol que significou que os tres puntos quedasen na Carqueixa. Empatados a puntos na táboa clasificatoria continúan o Becerreá e o Oural. Xa estaban e no seu duelo igualaron a un gol. Catro puntos de marxe sobre o descenso. Da zona perigosa saíu o Brollón. Derrotou a domicilio ao Bóveda con hat-trick de Davicín incluído.

Luca´s Grill
Moreno´s Pizza
Imagen por defecto
Redacción Futbolinlugo
Artículos: 274

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.