Os onces da 27ª xornada da Segunda

Quedan tres xornadas para que remate a competición regular na Segunda Rexional. A pasada fin de semana deixou algún que outro cambio importante na parte alta e baixa da táboa. O Folgueiro e o Lourenzá aumentaron a súa diferenza nos postos de ascenso directo. O Cospeito saíu do descenso e meteu á Comercial. No sur, o San Roque asalta o liderado e o Guntín está a beira das posicións de ascenso. A SD Becerreá tamén sae do descenso no que entra o Sporting Lucense.

No grupo norte, o Folgueiro continúa no máis alto. Sexta vitoria seguida. Venceu con claridade ao Iberia. Dobrete de Aurelio e tamén de Kiños. Seis puntos de diferenza co Guitiriz. Dependendo dos resultados, o ascenso xa se podería cantar a vindeira fin de semana. Tamén terá esa posibilidade o Lourenzá. Catro puntos sepárano do Guitiriz. Os pupilos adestrados por Diego Rego non erraron ante o Valadouro. Un bo gol de Aitor e un novo dobrete de Recalde foron protagonistas. Todo iso logo da derrota do equipo guitiricense ante o Roupar. Sete vitorias seguidas do cadro verde. Pero só unha mala recta final dos de arriba lle daría algunha opción. O partido foi con alternativas no marcador. Resolveuse con remontada para os locais cun dobrete de Esteban.

A escaseza de defensas, obríganos a colocar a Borja do Guitiriz polo lado dereito. E innovar cun sistema de dous centrais e sen laterais puros

Na zona morna da táboa, o Cabreiros volveu gañar. Venceu a un Mondoñedo que entrou tarde no partido. Os locais xa gañaban ao pouco de comezar por 3-0 con dobrete de Manu Roca incluído. Tentarán pelexar pola quinta praza que ocupa neste momento o Xermade. O conxunto xermadino protagonizou unha das sorpresas da xornada. Caeu pola mínima na súa visita á Fonte. O Cospeito aproveitou os tres puntos para saír dos postos de descenso directo. Desa zona xa non se vai ter que preocupar o Abadín. Derrotou ao cabeiro da clasificación e sela a súa permanencia na categoría. O Cervo xogou cun xogador de campo como porteiro. O equipo acusouno. Todo sumado á situación na que está. Tamén deu un paso adiante á Candelaria. Venceu pola mínima a domicilio ante a Comercial. Paso que tamén deu o Meira. Empatou nun duelo directo co Goiriz no Ventiño. O cadro meirego sácalle máis proveito ao punto ca o seu rival.

No grupo sur, houbo troco de líder. Aínda que os tres primeiros están empatados a 50 puntos. O San Roque colócase no máis alto da clasificación. Venceu ao Portomarín cun novo papel destacado de Bruno. O mediocentro marcou outra vez un gol de falta. Leva sete a balón parado. O equipo visitante chegou mermado polas baixas. Fernandito contou con 12 xogadores. O Palas deixa o primeiro posto ao perder ante o Santa Comba. Foi outra das sorpresas da xornada. Os locais fixeron o mellor partido do ano. Saíron fortes na defensa e fixeron dano á contra. Vitoria chave na súa pelexa pola salvación. Terceiro é o Guntín. Suma catro triunfos seguidos. Confirmou a súa candidatura ao ascenso ao derrotar fóra da casa a un rival directo como o Oural. Noutro dos partidos que tamén se podía considerar como duelo directo, o Bóveda non foi quen de parar ao intratable San Lázaro. O cadro adestrado por Diego Rey venceu levou o partido cun gol de Yago Armesto. A xeira sen perder xa se eleva a nove partidos. O equipo máis en forma da categoría. Sepárano seis puntos co ascenso.

Na zona morna, volveu gañar o Corgo. Levaba catro partidos sen facelo. Derrotou ao Monterroso B. Na zona baixa, ademais da vitoria importante do Santa Comba tamén sacou tres puntos vitais o Incio. Gañou a un Chantada B que continúa en problemas. Situación que se complica para eles co triunfo da SD Becerreá. Venceu pola mínima na casa ao Ferreira e sae dos postos de descenso directo. Neles entra o Sporting Lucense que só puido sacar un punto do seu duelo directo ante o Brollón nos Medos.

Luca´s Grill
Moreno´s Pizza
Imagen por defecto
Iván Calaza

Criado no paraíso da Terra Chá. Fútbol, entre outras moitas cousas. Hai unha vida máis barata, pero iso non é vida nin é nada.

Artículos: 549

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.