Os onces da 22ª xornada na Segunda

Os killers da provincia volveron ao seu máximo esplendor na 22ª xornada da Segunda Rexional. Os perseguidores comandados por Aurelio e Recalde aumentan a presión sobre un Guitiriz que mantén o liderado a pesar do seu empate ante o Mondoñedo. O Abadín e o Meira deron un paso importante de cara a salvación. No grupo sur, o Palas volveu ao camiño da vitoria e o Oural métese por primeira vez na temporada en postos de ascenso directo. O San Lázaro e Sporting Lucense collen aire no seu mellor momento da temporada.

No grupo norte, o Guitiriz mantén unha semana máis o primeiro posto da clasificación grazas a un gol nos últimos intres no seu duelo ante o Mondoñedo. Un punto que lles vale para manterse por riba do Folgueiro, aínda que empatados na táboa clasificatoria. O cadro adestrado por Anxo goleou á Comercial. O equipo capitalino acudiu a cita só con 11 xogadores. Aurelio volveu ao seu hábito natural e marcou un novo hat trick. Tres tamén foron os goles de Iván Recalde no triunfo do Lourenzá ante o Iberia. O conxunto laurentino está a espera do fallo dos seus rivais. O gol de Xavi nos últimos minutos do partido ante o Cervo, mantén ao Xermade na pelexa. Ao igual ca o triunfo do Roupar cun Goiriz que se mete en zona de perigo.

O Abadín e o Meira encabezan os triunfos importantes da xornada. Os pupilos adestrados por Óscar Pol ocupan a sétima praza. Seijo ratificou o seu bo momento tamén con tres goles. O seu triunfo ante o Cospeito permítelles ampliar a diferenza co descenso directo. 9 puntos cando quedan 24 en xogo. Mesma distancia ca ten o Meira. Superou a un Cabreiros que non é quen de facerse cos partidos cando se pon por diante. A Candelaria logrou tamén tres puntos supremos. Derrotou nun duelo directo ao Valadouro. Os do Árbol quedan á beiriña dun descenso directo que continúa ocupado polo Cospeito e polo Cervo.

No grupo sur, o Palas despexou dúbidas despois da última derrota. Derrotou a un Incio e recuperou o olfato goleador de Juanjo (dobrete). Non obstante, cambiou a súa compañía das posicións de ascenso. O Oural comezou o curso con tres derrotas consecutivas e ocupando a zona baixa da táboa. A súa vitoria ante un rival directo como o Bóveda colócaos na segunda posición por primeira vez no ano. O Guntín e o Corgo tamén sumaron de tres na parte alta. Os xogadores preparados por Martín Rodríguez venceron pola mínima ao Portomarín. Os de Vivian Dors derrotaron á SD Becerreá. Un choque con nove goles e con intercambio de futbolista. Alejo estreouse coa camisola da SD Becerreá ante os seus ex compañeiros. Foi un dos goleadores do encontro.

Na xornada o paso adiante dérono o San Lázaro, o Chantada B, o Brollón e Sporting Lucense. Os catro equipos sumaron vitorias sobranceiras de cara a salvación. O equipo da Ponte non perde dende a chegada de Diego Rey ao banco. Sumou 10 dos últimos 12 puntos en xogo. Vitoria pola mínima ante un San Roque que é terceiro. “Foi o partido máis redondo de todo o ano para o Chantada B” en palabras do seu adestrador Rodrigo Amarante. O filial chantadino gañoulle a un Santa Comba que nos últimos minutos botou man do seu porteiro suplente. Rodrigo non entrou para suplir a José Ángel, pisou céspede para xogar de dianteiro. O Brollón superou a un Monterroso B que se adiantou no marcador. Un penalti desequilibrou a balanza. Chama a atención a espabilación do Sporting Lucense. Cinco partidos sen perder. A vitoria ante o Ferreira déixao seis puntos por riba dun descenso integrado pola SD Becerreá e o Monterroso B.

Luca´s Grill
Moreno´s Pizza
Imagen por defecto
Iván Calaza

Criado no paraíso da Terra Chá. Fútbol, entre outras moitas cousas. Hai unha vida máis barata, pero iso non é vida nin é nada.

Artículos: 550

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.