Os onces da 1ª xornada na Segunda

Comezou unha nova tempada na Segunda Rexional. O San Ciprián e o Chantada B son os primeiros líderes dunha liga que comezou con resultados de todo tipo. No grupo norte, dáse a casualidade que os dous equipos descendidos ocupan os postos de ascenso directo. 

Na zona norte, o San Ciprián derrotou nun duelo mariñán ao Alfoz. Ademais era un enfrontamendo entre un equipo que vén de descender e outro de ascender. O partido rompeuse no marcador ao cuarto de hora da segunda parte co segundo tanto individual de Aitor. Tamén Borja Mella comezou a competición regular con gol. Entrou con bo pé a Pontenova. Superou no seu campo a un dos grandes do grupo na campaña pasada, o Roupar. Tamén conseguiu unha vitoria o Meira. Aínda que máis axustada ante o Xermade. Comezaron gañando os locais. Remontou o cadro xermadino para unha posterior remontada dos pupilos preparados por Cuchi. O peor de todo foi a lesión de Diego Pellón que tivo que ser substituído na primeira metade. Unha lesión no xeonllo que agardemos que non sexa nada. Pola súa banda, o Muimenta volveu á categoría con vitoria. Foi como visitante ante o Iberia. Con dobrete de Prevesos incluido.

E gañou o Goiriz no derbi chairego ante o Cospeito. O Luis de Oleiros marcou os dous goles dos visitantes que finalmente serviron para o triunfo. Ademais o Celta Barreiros tamén se estreou con tres puntos ao seu favor. Venceu pola mínima fóra da casa ante a Candelaria. E na xornada houbo dous empates. Un con goles. O do Mondoñedo e o Cabreiros. Outro sen eles. O do Abadín e o Guitiriz. Co porteiro Cris como un dos protagonistas do choque.

Na zona sur, o primeiro líder é o filial do Chantada que gañou con comodidade ante o Bóveda. Con cadanseu dobrete de Novelle e Víctor. Segundo é o Santa Comba que tamén superou como local ao Brollón. Tamén venceu o Páramo ante o Becerreá. O cadro adestrado por Merino e Brais Vázquez foi superior. Bolo marcou un gran gol. O Palas superou pola mínima nun partido de cinco goles ao Río Sil. Junajo volveu comezar a temporada como sabe. Outro dobrete para a súa lista. O Portomarín venceu tamén pola mínima ao Incio. Nun partido con alternativas.

E o Quiroga estreouse ao grande. Venceu no San Martiño ao Oural. Tamén se apuntou os tres puntos o San Lázaro ante o Ferreira. Comeza a liga como rematou a temporada pasada, sen perder. Diego Rey continúa coa súa peculiar imbatibilidade en partido oficial dende que chegou ao banco da Ponte. Decidiu o gol de Yago Armesto. E o único empate da xornada foi entre dous equipos que se coñecen ben. Sobre todo por que se enfrontaran a semana antes na Copa Deputación. o Corgo e o Paradela igualaron a dous goles. Debasa volveu marcar ante o seu ex equipo.

Luca´s Grill
Moreno´s Pizza
Imagen por defecto
Redacción Futbolinlugo
Artículos: 274

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.