Os onces da 15ª xornada na Segunda

O Guitiriz e o Bóveda remataron a primeira volta meténdose en postos de ascenso directo, mentres que o Folgueiro e o Palas acabaron como campións de inverno. O cadro do Vicedo foi un dos protagonistas da xornada coa súa goleada ao Xermade. Tamén Julio Castro, que presentou a súa dimisión definitiva como adestrador do Valadouro. Ademais no sur, o Corgo e o Oural son dous dos beneficiados da xornada.


No grupo norte, o Folgueiro volveu ao camiño da vitoria goleando a un rival directo como é o Xermade. O cadro adestrado por Anxo aproveitou os erros rivais na primeira metade e incluso fallou un penalti. Na segunda sentenciou, Aurelio marcou un hat-trick e xa suma dezaseis tantos que o manteñen como máximo goleador do grupo. A derrota do Xermade aproveitouna o Guitiriz para gañar o seu encontro ante o Goiriz e volver a postos de ascenso directo. A expulsión do xogador Alfonso para o Goiriz no primeiro cuarto de partido condicionou o choque. Aínda así, o equipo vilalbés deu a cara e perdeu pola mínima.

Outra das novas da xornada foi a dimisión de Julio Castro como adestrador do Valadouro despois do empate ante un Roupar que está sufrindo un pequeno baixón con tres partidos sen gañar. A decisión xa a tiña tomada dende hai tempo, pero Julio estaba agardando a que o club buscase un substituto que polo de agora non se coñece oficialmente. O Valadouro acudiu a cita con once xogadores (co gardamallas Álvaro como futbolista de campo), adiantouse no marcador e Tomás detivo un penalti.

Na parte alta mantéñense o Lourenzá logo de vencer ao Cospeito; e o Cabreiros que derrotou ao Cervo. Na zona media continúa a Candelaria que rescatou un punto nos últimos minutos cando ía perdendo 0-2 co Abadín. Abel Eijo estreouse como adestrador do conxunto de Cervo. Na parte baixa, destacou o triunfo pola mínima da Comercial ante o Mondoñedo. Os dous equipos quedan empatados a 16 puntos na clasificación, xunto co Iberia e co Abadín. O equipo de Reinante empatou a dous goles co Meira na reestrea da Lomba onde Farra marcou un dobrete.

No grupo sur, o Palas mantén o liderado ao vencer nun dos partidos da xornada ao Guntín. O equipo visitante xogou parte do partido cun futbolista de campo como gardameta, xa que Javier xunto con Diego e Pablo tiveron que ir ao hospital por choques cos rivais. O Bóveda pasou a ocupar o segundo posto logo de gañar ao Chantada B e aproveitar outros resultados da fin de semana. O filial chantadino comezou gañando, pero o conxunto preparado por Cabanelas deulle a volta antes do descanso. O gardamallas Marcos Macía acaba a primeira volta como o que menos encaixa do grupo sur. Ademais da derrota do Guntín, Ferreira e San Roque perderon os seus encontros. O equipo de Pantón caeu ante un Oural que se achega a parte alta; mentres que o San Roque non puido sacar ningún punto da súa visita a un Incio que saíu das posicións de descenso directo.

No duelo por comprobar quen se aproximaba máis aos postos altos momentaneamente entre o Corgo e o San Lázaro, saíu vitorioso o cadro adestrado por Vivian Dors. Un dos xogadores chave volveu ser Debasa, que marcou os catro goles do seu equipo (os dous últimos cando o marcador era 2-3) e consolídase como o máximo goleador da categoría na provincia con 17 goles. O Portomarín perdeu a oportunidade de meter máis presión na zona alta logo de sumar un punto na súa visita Os Medos ante o Brollón.

Na zona baixa, ademais da vitoria do Incio, destacou a do Santa Comba no duelo directo coa SD Becerreá que cae a postos de descenso. No equipo adestrado por Diego Mejuto volveu aos terreos de xogo, o central Omar, logo de seis meses sen xogar. Tamén venceu o Monterroso B que logrou o primeiro triunfo da temporada xogando como local ante o Sporting Lucense.

Luca´s Grill
Moreno´s Pizza
Imagen por defecto
Iván Calaza

Criado no paraíso da Terra Chá. Fútbol, entre outras moitas cousas. Hai unha vida máis barata, pero iso non é vida nin é nada.

Artículos: 549

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.