O Viveiro volve a Terceira pola porta grande e o Racing Vilalbés araña un punto no Viso

Pasaron máis de sete meses desde o último Trío de Ases. Un periodo de tempo incerto e complexo, no que a pandemia do Covid-19 trastocou os plans do noso fútbol e da sociedade en xeral. Agora, cunha situación aínda delicada o balón volve a rodar na Terceira.

Cantarrana voltou a vivir un encontro en categoría nacional catorce anos máis tarde. O Viveiro estivo á altura das expectativas e acadou os tres puntos ante un frouxo Estudiantil, que debutaba na Terceira. O Racing Vilalbés visitou ao Arzúa no Viso e acadou un empate sen goles. O Polvorín tivo que adiar o seu encontro diante do Fisterra logo de resultar positivo en Covid-19 un integrante da plantilla lucense.

Dous tantos de Javi Rey déronlle o triunfo ao Viveiro no seu retorno a Terceira (2-0). O Estudiantil non foi rival para o Viveiro en Cantarrana. Clara superioridade do conxunto de Chusky nunha tarde con gran ambiente nas gradas do campo viveirense. Malia todo o cadro compostelán, que logo do seu periplo xudicial acadou o ascenso, gañoulle aos mariñáns en intensidade nos primeiros compases. Pero o tanto de Javi Rey aos cinco minutos solventou os posibles problemas, tras unha boa xogada de Gerardo. A partir do tanto, o Estudiantil desaparaceu e non inquietou a meta de Manu Cedrón en ningún momento. Arturo gozou dunha clara ocasión para ampliar a diferencia, pero o balón saiu rozando o pao. Na segunda metade, os visitantes baixaron o seu nivel físico e o Viveiro puido golear. Arturo, Facu, Gerardo e Moreda contaron con claras ocasións para ampliar diferencias. Pero o tanto non chegou ata preto do último cuarto de hora, obra de novo de Javi Rey, o mellor dos celestes.

O Racing Vilalbés foi mellor que o Arzúa no Viso, pero non acertou ante a porta rival (0-0). Encontro igualado na primeira metade, con dous equipos moi serios en defensa e que apenas permitiron ocasións de gol. O cadro chairego amosou unha gran firmeza defensiva ante un conxunto que conta co gran killer da categoría: Iker Hurtado. Nos segundos corenta e cinco minutos, o encontro abriuse e aí o conxunto de Simón Lamas foi mellor que o seu rival, sobre todo no aspecto ofensivo. A conexión ribadense entre Pedrosa e Aitor finalizou cun lanzamento deste último que sacou cunha boa intervención Bugy. O propio Pedrosa e Cuadrado tiveron sendas ocasións, pero os seus disparos saíron preto do pao. Brais Pedreira foi o único xogador arzuán que inquedou a Javi Pita, cun lanzamento desde fóra da área.

Luca´s Grill
Moreno´s Pizza
Imagen por defecto
Marcos Fernández

Apaixoado do fútbol, en especial do modesto, que aínda mantén os verdadeiros valores do deporte

Artículos: 500

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.