O Polvorín gaña no Viso e oposita á zona de privilexio

A undécima xornada de terceira completouse xa o sábado para os conxunto lucenses. Boas novas para Racing Vilalbés e Polvorín. Os chairegos derrotaron na Madalena ao Silva mentres que os da capital fixeron o propio co Arzúa a domicilio. Peor parado saiu o Viveiro, que estivo lonxe de sacar algo positivo da súa visita ao Fabril.

O Racing Vilalbés derrota ao Silva sen excesivos problemas e remata o ano invicto na Madalena (2-0).

Os chairegos seguiron o guión marcado nesta temporada e no último tramo da anterior: facer da Madalena un fortín. Simón Lamas apostou de novo por López no perfil esquerdo da defensa con Jose Varela retrasando a súa posición ao lateral e con Rares e Aitor titulares na parcela atacante. O Racing Vilalbés prantexou un encontro tal e como nos ten acostumados dificultando moito o xogo dun Silva que nunca se atopou cómodo no céspede da Madalena. Non foi moi vistoso o Racing, pero si práctico. Non foi ata preto do descanso cando chegou o primeiro tanto. Cuadrado pelexou un balón na área que lle caeu a Santi Gegunde que colocou o balón lonxe do alcance de Adrián Ríos.

Na segunda metade, os chairegos controlaron o encontro sen pasar apuros e Muíña ampliou diferencias logo de recoller un balón solto na área. O Silva só inquietou a portería rival logo dun erro defensivo local que aproveitou Joao Paulo, pero respondeu Javi Rumbo cunha gran intervención.

O Racing Vilalbés despide o ano cun triunfo importante que o mantén na zona alta da Terceira.

O triunfo do Polvorín no difícil campo do Arzúa sitúa aos lucenses moi preto da zona alta (1-2).

O filial albivermello foi quen de sacar adiante un encontro complexo, nun campo poucas veces accesible para os visitantes e ante un rival que se estaba a amosar moi sólido, e ademáis en inferioridade na segunda metade. Os de Álex Ortiz, con tres encontros aínda por disputar, son quintos na clasificación e miran cara arriba.

O encontro comezou sen un claro dominador. O Polvorín non se atopou cómodo nos primeiros compases nun campo en regulares condicións e ante un Arzúa que lograba gañar a maioría dos duelos que se producían.  A pesares diso, gracias a transicións rápidas, Christian logrou ter dous man a man ante o gardameta arzuán que non logrou marcar. No minuto 35 chegou o primeiro tanto. Desta volta Christian resarciuse das ocasións marradas e fíxoo ao grande. Nunha xogada individual entrou na área e cun tiro cruzado logrou un espectacular tanto pola escadra da portería de Marqueta.

Na segunda metade, o Arzúa logrou facerse co control do partido e embotellou ao conxunto lucense a través de xogo directo e de rápidas contras. Nunha delas, Brais Pedreira recolleu un rexeite e logrou o empate. Poucos minutos despois, Nico viu o segundo cartón amarelo, nunha acción rigurosa,  e o Polvorín quedou en inferioridade. A falta dun cuarto de hora, o colexiado sinalou penalti por man de Jorge Queiruga logo dun centro de Cristian. Morais transformou a pena máxima e outorgou tres valiosos puntos para o Polvorín.

O Viveiro amosou a súa peor faciana ante o Fabril e saiu claramente derrotado de Abegondo (3-0).

Segunda xornada consecutiva na que o Viveiro saiu goleado. O cadro mariñán non contou con opcións en ningún momento de sacar nada positivo do campo do Fabril e ao descanso xa contaba con tres goles en contra. A fraxilidade defensiva foi de novo a gran inimiga do cadro adestrado por Chusky.

O Fabril dominou o encontro desde o pitido inicial e cun xogo combinativo chegou con facilidade á área viveirense. Co vilalbés Villares liderando o centro do campo e o ex do Polvorín Rayco moi activo en ataque, o equipo de Valerón non atopou dificultades para adiantarse no marcador. Foi antes do minuto 20 cando Sarmiento conectou con Rayco e este picou o balón ante a saída de Manu Cedrón. O esférico quedou morto e Adri Castro remachou sen oposición. Non tardou en chegar o segundo tanto. Dani Montes cometeu un penalti inocente sobre Rayco que él mesmo transformou. Xa preto do intermedio chegou a sentencia. Adri Castro roubou un balón nunha indecisión da zaga e serviu para que Rayco conseguise o seu segundo tanto.

Na segunda metade o Viveiro tirou de orgullo e amosouse máis protagonista na segunda metade, pero as ocasións para recurtar as diferencias foron escasas. Estas só chegaron no tramo final cando Chusky moveu o banco e deu entrada a Javi Rey e ao xuvenil Luis Pernas. Nos últimos compases Asier puido marcar tras un bo servicio de Luis Pernas e Javi Rey cun potente disparo que se marchou pegado a pao inquietou a portería defendida por Alberto.

Luca´s Grill
Moreno´s Pizza
Imagen por defecto
Marcos Fernández

Apaixoado do fútbol, en especial do modesto, que aínda mantén os verdadeiros valores do deporte

Artículos: 498

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.