O Pol manda un aviso a navegantes ao gañar no Saviñao

Os de Fernando Corredoira presentan a súa candidatura ao ascenso
A Xornada 18 deixou os seguintes resumos, cos seus correspondentes Máxicos:

*Folgueiro-Friol (5-3): Fallos defensivos, fútbol directo e moitos goles en Boavista. O Folgueiro firmou un triunfo importantísimo na súa loita pola permanencia nun partido empañado pola lesión de nocello de Kike. Os de Jandri Rego certificaron a súa superioridade antes do descanso, ao que se chegou cun resultado de 3-1. O Friol tivo o seu momento á volta de vestiarios pero os mariñáns remataron goleando.

*Outeiro de Rei-Taboada (1-1): Quizais mereceu mellor sorte o Taboada na súa visita ao Municipal. O Outeiro realizou un dos seus peores partidos esta campaña e viu como os da Medela, moi serios, se adiantaban preto do descanso. Josito Jul cambiou o debuxo no tempo de lecer. As sensacións non remataban de ser boas ante un Taboada intenso e que se topou cos paus. Aínda así, Jorge Pereira salvou un punto no tramo final.

*Xove Lago-Santaballés (2-2): Gran encontro no Municipal. O Santaballés realizou unha gran posta en escena e colocou pronto o 0-2 en dous balóns parados. Os de Bruno Gómez metéronse no encontro de novo cun disparo de Chile. E igualaron cun gol de Máikel no límite do primeiro tempo. Na reanudación, os tres puntos puideron caer para calquera lado. Igualdade manifesta e unha clara ocasión por barba. Iso sí, o marcador non se moveu. No Xove Lago regresou Xesús despois da lesión e xogou coma titular o xuvenil Diego, de só 15 anos.

*Burela-Lourenzá (0-0): As defensas impuxéronse aos ataques no maltreito céspede da Marosa. O Lourenzá tivo varios momentos no encontro para tentar arañar os tres puntos, especialmente na primeira metade e no remate. Pola súa banda, o Burela asumiu o peso do partido durante boa parte del. Pero faltoulle algo de profundidade. Na segunda metade, tivo preto o triunfo. Con varios achegamentos e un gol anulado.

*Guntín-Chantada Atlético (2-0): O Guntín segue a facerse forte en Ladairo. Aguantou as acometidas dun bo Chantada Atlético na primeira metade, que xerou bastante perigo. E matou ao seu rival ao contragolpe na reanudación. Dous zarpazos de Elías e Rubén Pena nos últimos vinte minutos de encontro, deixaron os tres puntos no feudo dos locais.

*Pastoricense-Castro (1-1): Un puntiño no regreso de Vitín a casa. O Pastoricense comezou a tarde da mellor maneira posible, cun gol de Dani á saída dun saque de esquina. O Castro tiña o balón e os de Fran Veiga, o seu característico perigo á contra. Despois do paso de vestiarios, Niko Edrosa igualou nun tiro libre. Poucas oportunidades máis se viron. Cuarta xornada sen perder para os do Acebreiro, terceira para os do Arturo Pereiro.

*San Roque-Monterroso (0-3): Un sólido e organizado Monterroso encarrilou o choque antes da media hora de xogo. Sacou tallada de dous erros infantís dun San Roque, que non se atopa no seu mellor momento. O encontro quedou visto para sentencia na segunda metade, xusto no momento en que Gontá asinou un fermoso tanto de córner olímpico.

*Chantada-Riotorto (1-1): Duelo de estilos no Sangoñedo. A iniciativa co balón pertenceu ao Chantada, que perdonou unha boa ocasión de Barrio no primeiro tempo. Un ordenado e perigoso Riotorto ás contras non se quedou atrás. E Alberte topouse coa madeira nesa mesma primeira metade. Na reanudación, os de Ramallal abriron a lata nun fermoso contragolpe. O Chantada arriscou ao máximo e conseguiu o empate a un minuto do remate.

*Atlético Escairón-Pol (0-2): O Pol métese de cheo na pelexa polo ascenso despois de dar un golpe de autoridade no Saviñao. O encontro estivo condicionado pola expulsión do meta local Macía antes do cuarto de hora. Os de Fernando Corredoira amosáronse moi serios desde o pitido inicial. Maduraron o partido e levaron o preciado botín grazas a un doblete de Iván González a comezos da segunda metade.

Luca´s Grill
Moreno´s Pizza
Imagen por defecto
Diego Díaz Martínez

Un enfermo do fútbol lucense. Adestrador Nivel-3 UEFA PRO

Artículos: 857

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.