O PM Friol solidarízase coas súas compañeiras e o Muimenta vístese de negro

Unha nova entrega de As Nosas Redes Falan. O PM Friol e o Athletic Club B estiveron un minuto sen xogar ao inicio do partido. O Muimenta deulle visibilidade á campaña En Negro Contra As Violencias. O Celta Barreiros comezou a preparar o derbi co Alfoz nas redes sociais.

Solidariedade coa folga das compañeiras

Foi unha fin de semana de folga na Liga Iberdrola. As futbolistas reclaman un convenio xusto e equitativo. Non se xogou ningún partido. Mentres na Reto Iberdrola a xornada desenvolveuse con normalidade. Iso si, no encontro que o PM Friol xogou na Reigosa ante o Athletic B amosaron a súa solidariedade coa folga no primeiro minuto de xogo. Esta tarde o paro foi desconvocado. As partes acordaron dar marxe ata o próximo 20 de decembro para pechar un acordo satisactorio e definitivo. No tocante á competición o Friol perdeu o seu partido. O filial vasco amosou a súa superioridade. Colócase terceiro na táboa clasificatoria. O Friol é 12º con tres puntos de diferenza con respecto ao descenso.

O Muimenta en negro

O cadro celeste sumouse á campaña En Negro Contra As Violencias. É unha iniciativa dirixida como nestes últimos anos aos concellos, colectivos e empresas que teñan vontade de desenvolver accións específicas contra a violencia machista. O Muimenta aproveitou para facelo este sábado no Pichón. O equipo perdeu na 10ª xornada da Segunda Rexional ante un Xermade que foi superior.

Derbi á vista no Municipal

Aínda sen pasar a resaca desta xornada, nalgúns equipos xa pensan na seguinte. O Celta Barreiros xa quenta motores  para o derbi da próxima fin de semana. O cadro de Barreiros xogará no Municipal de Alfoz. O conxunto celeste publicou un vídeo promocional marcado polo camiño que uniu aos dous equipos o curso pasado na procura do ascenso á Segunda Rexional. Os dous equipos chegan despois de empatar nesta xornada. O Alfoz saíu dos postos de ascenso directo; mentres que o Celta continúa na zona media alta da táboa.

Luca´s Grill
Moreno´s Pizza
Imagen por defecto
Redacción Futbolinlugo
Artículos: 274

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.