O PM Friol B e o Chantada levaron os derbis da xornada

A análise da xornada e os novos grupos para a segunda fase, no enlace

Cómodo triunfo do líder da Primera Nacional. O PM Friol viviu un partido plácido, no que xa mandaban por 2-0 ao cuarto de hora de xogo. As rapazas de Covi non deron opción e certificaron a súa superioridade cunha goleada. Alicia Martínez aportou un dobrete á causa.

Luca´s Grill
Moreno´s Pizza

Pola súa parte, o filial da Primeira Galicia tivo unha de cal e outra de area. O cadro de Diego Vivero goleou ao Antas no derbi cunha actuación destacada de Anabel, autora de tres goles. Encontro moi completo do PM Friol B, que impuxo o seu xogo ante un Antas que acusou as baixas.

A nota negativa chegou coa resolución da Real Federación Galega de Fútbol, que lle deu ao cadro da Reigosa por perdido un partido adiado. O duelo da xornada 17 ante o Bergantiños rematou cun 3-0 a favor das de Carballo, ao considerar a federación insuficiente o feito das baixas no PM Friol B. O Lugo descansou nesta data. Un cadro branquivermello, que loitará polo ascenso e comezará a segunda fase con dous puntos.

Deportes Élide

Grupo-ascenso na Primeira Galega
O PM Friol B loitará pola permanencia no Grupo Descenso 1. Comeza a segunda fase con 4 puntos
O Antas loitará pola permanencia no Grupo Descenso 2. Comeza a segunda fase con 3 puntos

RESULTADOS DA XORNADA

PM Friol 6-0 Villestro

Bergantiños 3-0 PM Friol B

PM Friol B 4-1 Antas

Santiso 3-0 Carballedo

Comercial 8-4 Cruces

Monte Forte 6-0 EF Lalín

Chantada 5-1 Milagrosa

Goleada do Chantada para manter a loita polo liderado

O Chantada impuxo a súa lei no derbi e mantén a súa particular loita co Santiso polo primeiro posto. Despois dunha primeira media hora de xogo disputada, o cadro de Álex Cambeiro sentenciou á Milagrosa con tres goles nos últimos dez minutos do primeiro acto. Na reanudación, as locais mantiveron a intensidade e remataron goleando. Laura Carnero asinou un dobrete.

Xiana, autora dun hat trick para a Comercial

Na terceira praza queda o Monte Forte. As do Luis Bodegas sacaron adiante un partido moi duro ante o EF Lalín. Sara Mougán e Aitana, con sendos dobretes, lideraron o set en branco ante un rival que se quedou cunha xogadora menos pasada a media hora de partido. Dominio absoluto dun Monte Forte que suma e segue.

Outra vitoria lucense e local foi a da Comercial, que colleitou un curioso 8-4 ante o Cruces. As de Vivian Dors mantiveron sempre a raia os tres puntos a pesares de que faltas puntuais de intensidade e concentración lles xogaron malas pasadas. Xiana fixo un hat trick e Natalia, un dobrete.

Por último, o Carballedo caeu ante o líder nun partido igualado na súa primeira parte. O Santiso adiantouse ante un rival que viu como lle anulaban un gol posiblemente legal. Despois do paso de vestuarios, mandou o Santiso ante un Carballedo que non tivo opcións de remontar. O San Roque descansou nesta xornada.

Imagen por defecto
Diego Díaz Martínez

Un enfermo do fútbol lucense. Adestrador Nivel-3 UEFA PRO

Artículos: 860

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.