O partido Fisioterapia Ronda . . . Racing Vilalbés – Barco: o fortín da Madalena a proba diante do líder.

A Terceira chega xa á súa cuarta xornada e faino cun partidazo na Madalena o domingo ás 17 horas. O Racing Vilalbés, que se está a amosar irregular neste comezo ligueiro recibe a un Barco que ocupa o liderato e conta os seus partidos por vitorias. O encontro será arbitrado polo colexiado santiagués Martínez Santos.

Luca´s Grill
Moreno´s Pizza

Un empate, unha vitoria e unha derrota. Variedade de resultados no comezo de competición dun Racing Vilalbés que aínda non atopou a regularidade que necesita para estar na zona alta da clasificación. Malia a derrota da última xornada diante do Xuvenil de Ponteareas, a imaxe dos chairegos foi boa, ao igual que no empate en Abegondo diante do Fabril. Os de Simón Lamas precisan pulir detalles e rematar de acoplar tódalas pezas para que a Madalena sexa un fortín diante dun dos grandes candidatos ao ascenso a Segunda RFEF.

Nos últimos anos, o Barco sempre está en tódalas quinielas para acadar o ascenso. Xa foron varios os proxectos ambiciosos do conxunto valdeorrés que non chegaron a acadar o obxectivo. O clube confioulle de novo o proxecto ao técnico Javi Rey, que retornou a Calabagueiros logo do seu paso polo Céltiga e o Arzúa, e confeccionou unha plantilla de auténtico luxo. Aos Ivi Vales, Rodri Alonso, David Álvarez ou Óscar Martín sumáronse futbolistas da talla de Juan Barbeito, Javi Pazos, o ex do Polvorín Duque, ou os monfortinos Iago López e Adri Díaz. Un cadro de xogadores de auténtico luxo que comezou a competición nun gran estado de forma sendo quen de gañar os tres encontros disputados diante de Silva, Estradense e Rápido de Bouzas.

Deportes Élide

O último encontro entre Racing Vilalbés e Barco na Madalena disputouse o 27 de xaneiro de 2019 e rematou con empate a un gol. Make e David Álvarez foron os autores dos tantos.

que opinan os protagonistas?

FERNANDO CUADRADO (RACING VILALBÉS)

  • Confianza no equipo. «É certo que acadar catro dos nove puntos en xogo pode verse como unha forma irregular de comezar a temporada, pero o certo é que o equipo atópase en boa forma. En Terceira sempre é difícil puntuar fóra da casa e penso que a pesar de non gañar ningún dos dous partidos, o equipo deixou boas sensación en ámbolos enfrontamentos. Agora toca xogar na Madalena e ten que ser un fortín para nós».
  • O Barco. «Agardo un partido moi disputado contra un dos favoritos da categoría, pero o Racing na casa sempre saca a súa mellor versión e imos saír con todo para demostralo este domingo».
  • A competencia en ataque. «Penso que en calquer equipo a competencia é boa, tanto a nivel individual, como para o conxunto do equipo. Pola miña parte estou moi contento co meu traballo e esforzo, tanto nos adestramentos como nos partidos e vou aproveitar as oportunidades que teña para demostrar que debo estar no once titular tódalas xornadas».

a axenda

PRIMEIRA NACIONAL

  • Peluquería Mixta Friol – Umia CF (Sábado ás 17:30 na Reigosa): logo dunha semana de descanso, as de Covi retorna á competición co obxectivo de seguir coa boa xeira de resultados.

TERCEIRA DIVISIÓN

  • Viveiro – Sofán (Domingo ás 12 horas en Cantarrana): despois de tres xornadas ante equipos con obxectivos distintos, os mariñáns reciben a un recén ascendido cos tres puntos entre cella e cella.
  • Polvorín – Fabril (Domingo ás 17 horas na Cheda): duelo de filiais. Os lucenses tentarán refrendar cun triunfo a boa imaxe deixada no campo do Ourense diante dos pupilos de Óscar Gilsanz, que polo momento non coñecen a derrota.

PREFERENTE AUTONÓMICA

  • Santaballés – Foz (Domingo ás 17:30 horas na Liga): os de Juan Rodríguez debutan na casa e buscarán un triunfo diante dun Foz que chega coa moral reforzada logo da vitoria diante do Escairón.
  • Atlético Escairón – As Pontes (Domingo ás 17:30 horas no Municipal): os do Saviñao buscarán reflexar en puntos as boas sensacións das dúas primeiras xornadas. Non o terán doado diante dos de Rafa Casanova, que non comezaron a liga da mellor maneira.
  • Residencia – Mugardos (Domingo ás 18 horas na Cheda): logo da derrota no último suspiro da pasada xornada, o cadro lucense buscará a primeira vitoria da temporada ante un rival co mesmo obxectivo.
  • Ribadeo – Lemos (Domingo ás 17 horas no Pepe Barrera): o empate diante do Mugardos deixou bo sacar de boca nun conxunto mariñán que buscará o triunfo diante da súa afección. Enfronte un Lemos que chegará con fame de vitoria logo de caer na casa no derbi ante a Sarriana.
Imagen por defecto
Marcos Fernández

Apaixoado do fútbol, en especial do modesto, que aínda mantén os verdadeiros valores do deporte

Artículos: 510

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.