O Muimenta e o Iberia levaron os derbis da primeira volta

Os gañadores dos derbis eran os dous equipos que ían por debaixo na clasificación ca os seus rivais

«Gañar o derbi soluciónache a temporada», escoitouse nalgún campo lucense da Segunda Rexional a pasada fin de semana. A xornada trouxo dous duelos municipais apaixoantes con vitorias para os equipos que ían por baixo na clasificación. Ademais a SD Becerreá consolídase como o equipo máis en forma da categoría.

Luca´s Grill
Moreno´s Pizza

No zona norte, subrgrupo 1A, o Celta Barreiros perdeu o liderado ao caer no derbi ante o Iberia. Os visitantes levaron a vitoria do Cascabeiro e quedan a catro puntos do eterno rival. Deste resultado aproveitouse o Cabreiros que se colocou no máis alto da clasificación. O conxunto xermadino gañou por goleada ao Mondoñedo. Seijo foi o gran protagonista marcando tres goles.

Na cuarta posición, en postos de loitar polo ascenso na 2ª fase, sitúase o Sanci. O conxunto preparado por Jaime Méndez conseguiu un importante triunfo ante un rival directo como o Xermade. Pola súa banda, a Candelaria gañoulle a partida ao Roupar e queda máis preto do cuarto posto.

Na zona norte, subgrupo 1B, o Meira abre distancias dende a cabeza da clasificación. Venceu con claridade en Abadín e a distancia co segundo clasificado é de seis puntos. O gardamallas Alberto continúa sendo o menos batido da zona norte. Esa posición é ocupado polo Cospeito, empatado con dez puntos co Muimenta. Ambos equipos do mesmo concello desputaron un apaixoante derbi que caeu en mans dos celestes. O Cospeito adiantouse antes do tempo de lecer. O Muimenta empatou no segundo tempo, os visitantes volvéronse poñer por diante e os locais culminaron a remontada cun golazo de Edu.

Na cuarta posición sitúase o Goiriz con oito puntos logo de igualar ante o Matela, rival directo nestes momentos. Por segunda xornada seguida, o Fonsagrada non puido xogar o seu partido. Desta volta foi por mor da presenza da neve na comarca fonsagradina que impediu que se disputara o duelo ante o Guitiriz.

Por outra banda, máis aló da competición, o conxunto guitirecense vive uns días de tristeza pola perda do seu presidente, Suso Lorenzo. Dende Futbolinlugo enviamos todo o ánimo do mundo á SD Guitiriz e aos seus achegados.

Na zona sur, subgrupo 2A, a SD Becerreá afianza o seu liderado mantendo o pleno de vitorias. O único equipo da Segunda Rexional lucense que conta os seus encontros por vitorias. Desta volta superou pola mínima á Milagrosa en Frigsa. Cinco puntos de marxe sepárano do Páramo que rencontrouse co triunfo na pasada xornada. Venceu pola mínima ao Santa Comba.

O Paradela é agora terceiro logo de caer ante o Corgo. Os pupilos preparados por Rubén Bergantiños chegaron mermados ao encontro. A situación complicouse coa lesión do gardamallas Eros. O Corgo realizou un gran partido e puido sacar tres puntos de suma importancia para estar moi vivo na pelexa por entrar entre os catro primeiros. Preto desa zona tamén queda o Antas que logrou o primeiro triunfo da tempada ante o Sporting Lucense, o equipo que ocupa o cuarto posto.

Na zona sur, grupo 2B, o Oural segue líder pero perdeu por primeira vez no curso. Caeu pola mínima ante o Ferreira que é quen o persegue agora na clasificación a unha distancia de dous puntos. Terceiro queda o filial do Chantada ao caer ante o Brollón (4º) nun encontro con cinco goles.

Pola súa parte, o Río Sil conseguiu os tres puntos pola mínima ante o Incio e queda preto dos catro primeiros postos. O Bóveda e o Quiroga igualaron a un gol. Neste grupo haberá xornada durante esta fin de semana de ponte festiva. Será o único dos grupos nos que haxa liga.

Imagen por defecto
Iván Calaza

Criado no paraíso da Terra Chá. Fútbol, entre outras moitas cousas. Hai unha vida máis barata, pero iso non é vida nin é nada.

Artículos: 528

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.