Golpe sobre a mesa do PM Friol A e só unha derrota na Segunda

Importante triunfo in extremis do PM Friol A nunha xornada de goleadas

O PM Friol afianzouse no liderado da Primeira Nacional grazas aos tres puntos conseguidos no campo dun rival directo, o Sárdoma (2-3). O encontro foi moi intenso, unha delicia para o espectador. As de Covi adiantáronse nada máis comezar e fixeron unha primeira media hora moi destacable, perdoando o segundo gol. No tramo final da primeira parte mandou o Sárdoma, sen sorte algunha.

Luca´s Grill
Moreno´s Pizza

A segunda metade resultou bastante máis igualada. As locais igualaron por dúas veces as mínimas vantaxes do PM Friol. Ambos conxuntos buscaron o triunfo, que caeu do lado lugués no minuto 88. Alicia Martínez apareceu nun rexeite dun córner para asinar a vitoria e o seu doblete particular.

Táboas no derbi e dura derrota para o PM Friol B

  • CD Lugo 1-1 Antas
  • PM Friol B 0-5 Bergantiños

Duelo de estilos que rematou cun empate no derbi lucense. O CD Lugo dispuxo da posesión e a meirande parte das ocasións do encontro. As de Joaquín adiantáronse antes dos vinte minutos de xogo cun tanto de Fany Varela. E non conseguiron ver porta máis. O ímpeto das rapazas de Jesús Melendo propiciou o empate xusto antes do descanso. Na segunda metade, quedamos sen goles. Os erros locais nos últimos metros e o soberbio exercicio defensivo do Antas explican este resultado. Ademais, o PM Friol B viviu unha tarde para olvidar na Reigosa. O Bergantiños mostrouse superior en todo momento e non deu opción algunha ás pupilas de Diego Vivero.

As goleadas como tónica habitual na Segunda

  • Bandeira 1-2 Carballedo
  • Santiso 9-0 San Roque
  • Comercial 6-2 Touro
  • Chantada 4-0 EF Lalín
  • Monte Forte 11-0 Cruces

Unha semana máis a Segunda Galicia deixou sonoras goleadas en boa parte dos seus encontros. E salvo unha, todas con bo sabor para os nosos equipos. A única derrota lucense da xornada foi para o San Roque. As rapazas de Quiroga fixeron unha primeira parte para olvidar. Cando quixeron solucionar a papeleta na reanudación, xa era demasiado tarde. Todo o peixe estaba vendido. Iso si, a súa imaxe mellorou considerablemente despois do paso por vestiarios.

Sara Mougán, unha das trigoleadoras do Monte Forte

Pola súa banda, o Monte Forte desfíxose do Cruces con goles e bo xogo colectivo. Henar e Sara Mougán asinaron sendos hat tricks. A Comercial tampouco tivo problemas para superar con claridade ao Touro. As visitantes só foron capaces de ver porta en dous erros defensivos lucenses á volta do descanso. Salma fixo tres goles e Jenny, un dobrete.

Ademais, o Chantada goleou ao EF Lalín nun partido máis competido do que pode indicar o marcador. A igualdade marcou a primeira hora de partido, na que o Chantada levou o peso do xogo e desperdiciou algunha que outra boa oportunidade. O duelo resolveuse tras un claro penalti a vinte minutos do final. A sentenza chegou co 2-0 no minuto 88. E dous tantos máis en tempo de desconto. Iria asinou un dobrete pero Noela e Tania Gómez tiveron un papel tan destacable ou máis que a bigoleadora.

Por último, o Carballedo superou pola mínima e a domicilio ao Bandeira. As de Iban Crespo dominaron a primeira metade e adiantáronse no marcador cun tanto de María Varela. No entanto, recibiron un duro castigo a pouco do descanso. Foi en forma de gol do Bandeira. Tralo paso por vestiarios, o duelo igualouse pero o Carballedo meteu unha das súas escasas ocasións para rascar este triunfo fóra da casa.

Imagen por defecto
Diego Díaz Martínez

Un enfermo do fútbol lucense. Adestrador Nivel-3 UEFA PRO

Artículos: 829

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.