O balompé da capital abre as súas portas ao fútbol base

Mentras a campaña vai chegando ao seu fin, a primavera entra no seu máximo esplendor e invita a sácalo balón do cuarto e botalo a rodar polos prados, prazas ou parques. A época na que moitos nenos e nenas se ilusionan co fútbol e deciden iniciar a práctica deste deporte amparados por un club. Nestes días moitos equipos da provincia abren as súas portas e animan aos novos valores a probar sorte vestindo as súas respectivas camisolas.

Un destes equipos é a Comercial, cuxo conxunto sénior ascendeu este curso á Segunda Rexional. Estas son as primeiras xornadas que organiza a actual directiva e teñen un obxectivo claro segundo o seu vicepresidente, Lolo: «Non se pretende ensinarlles aos nenos a xogar ao fútbol. Simplemente animarlles a coñecer en primeira persoa ás intencións da directiva da SG Comercial de apostar polo fútbol base sen descoidar o fútbol afeccionado». O club quere potenciar as categorías no fútbol base: «O propósito  é ofrecer aos rapaces de base a oportunidade de acompañalos nesta n0va andaina e ter conxuntos representándonos nas categorías de base nas que se poidan conformar equipos«, apunta Lolo. As xornadas da Comercial comezarán a vindeira semana no campo das Gándaras.

Tamén o Sagrado Corazón comezou xa o seu periodo de captación de novos xogadores e xogadoras. Durante un mes poden adestrarse gratuitamente nas distintas categorías coas que conta o club con nenos nados entre o 2000 e o 2014, é dicir, os que se corresponden coas categorías xuvenil, cadete, infantil, alevín, benxamín, prebenxamín e biberón.

Un mes tamén é o tempo que destina a Milagrosa para a incorporación de máis nenos e nenas a unha das bases máis consolidadas do fútbol da provincia tanto no feminino como no masculino. O conxunto vermello e branco iniciou esta campaña baixo o lema «O futuro es ti» co fin de sumar os maiores interesados posible.

Ao longo dos vindeiros días sumaranse máis clubs de toda a provincia a esta habitual iniciativa co obxectivo de que siga aumentando o fútbol base lucense e sirva de disfrute e aprendizaxe para os nenos e nenas.

 

Luca´s Grill
Moreno´s Pizza
Imagen por defecto
Iván Calaza

Criado no paraíso da Terra Chá. Fútbol, entre outras moitas cousas. Hai unha vida máis barata, pero iso non é vida nin é nada.

Artículos: 548

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.