O ascenso á 2ª xógase nun punto

O extremo esquerdo do Monterroso B, Billy marcou tres goles na pasada xornada

Foto de portada: Mariluz Fagín

Luca´s Grill
Moreno´s Pizza

Rematou a 1ª volta nos catro grupos da Terceira Rexional nos que está en xogo unha praza de ascenso en cada un deles. Quedan 3 partidos para o final e nada está decidido. Os duelos directos entre os dous equipos máis destacados de cadanseu grupo serán clave para decidir os ascensos. Castro B, Comercial, Lemos B e o Carballedo teñen de momento a tixola polo mango.

No grupo C1 da zona norte, o Castro B lidera cun punto de marxe sobre o Rioaveso Machinango. Esta finde xogan entre eles. Na primeira volta empataron sen goles. Na pasada finde o filial vermello superou con claridade ao Nuevo Nausti que queda distanciado en sete puntos da posición de privilexio.

Deportes Élide

Pola súa parte, o Rioaveso venceu en Paraños a un Cazás que non foi quen de puntuar nos tres partidos da 2ª fase. Destacou sobre o céspede Kauan Vinicius, unha das incorporacións do cadro preparado por Miguel Fernández xa coa tempada comezada. O dianteiro marcou tres goles. O peor para o Cazás foi a lesión de Isma Crende, que sofre unha escordadura de nocello a falta de máis probas.

No grupo C2 da zona norte, o duelo directo entre a Comercial e o Catro Roldas deixa todo aberto. Aínda así, o cadro capitalino mantén a distancia dun punto na clasificación. Empataron a un gol. O centrocampista Martín marcou o seu primeiro gol da tempada. O peor no conxunto adestrado por Andrés Rodríguez foi a grave lesión de Julito. O atacante mancouse só. Dende aquí agardamos que a recuperación sexa o máis doada posible.

O outro encontro entre o Celeiro e o filial do Friol rematou con vitoria local pola mínima. O cadro celeste dedicoulle o triunfo a Dani Díaz e Óscar Fraga que se operarán estes días das súas lesións de gravidade. Moito ánimo para eles. Ambos equipos poden ser xuíces da liga. Xogarán con Comercial e Catro Roldas nas próximas dúas xornadas.

No grupo C3 da zona sur, os filiais manteñen o pulso. O Lemos B lidera a clasificación cun punto de marxe sobre o Monterroso B. Os pupilos adestrados por Perry gañáronlle con claridade a un Relámpago que se presentou con novo futbolistas.

Pola súa parte, o conxunto monterrosino derrotou ao Castroverde que queda máis lonxe da zona de privilexio. Richard puxo o 3-2 no marcador para darlle emoción pero xa pesaban moito os tres goles conseguidos por Billy. para Os da Veiga do Olmo están a seis puntos da cabeza. Só unha vitoria ante o Lemos B esta finde os metería de cheo na pelexa.

No grupo C4 da zona sur, a loita ten a máis equipos implicados aínda que o Carballedo deu un paso de xigante ao gañarlle ao Sober. Agora sepáranos catro puntos na clasificación. Efrén foi un dos que liderou a vitoria a pesar de que os goles foron autoría de Monchito (x2), Toni e o ourensán David Rodríguez.

Polo medio dos dous equipos, a dous puntos do primeiro posto, cólase o Rubián. O cadro adestrado por Senén derrotou pola mínima a un Taboada B que competiu todos os encontros pero non foi quen de sumar ningún punto.

Imagen por defecto
Iván Calaza

Criado no paraíso da Terra Chá. Fútbol, entre outras moitas cousas. Hai unha vida máis barata, pero iso non é vida nin é nada.

Artículos: 549

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.