O anecdotario: “Un reforzo inesperado”, por Cristian Iglesias

Houbo unha expulsión e o resto é historia!

Primeiro ano meu en Burela. Derbi ante o Xove Lago. Un partido bronco, un derbi. Recordo que houbera unha protesta e Jandri rematara expulsado aí. Xerouse un pouco de ‘revuelo’ e demais. De súpeto, un xogador que tiñamos no banco (non direi o nome) comezou a quitarse o suadoiro.

Digamos que non estaba en moi boas condicións despois dunha noite dura. Ata aí todo medianamente normal. Pero, nese punto empezou a dar pasiños curtos ata meterse de cheo no centro do campo. Sen cambio autorizado nin permiso do colexiado nin nada. Fixo alí un par de xogadas e todo, ata que Anxo (o de Viveiro) decatouse e falou co árbitro.

O colexiado instoulle a deixar o terreo de xogo despois de mostrarlle o cartón amarelo. O noso compañeiro xogou a súa última baza:

-“Isto é un campo público e podo xogar ao fútbol”.

O noso compañeiro marchou entre as risas de todos.

Cristian Iglesias Martínez. Un focego capitán do Burela

Imagen por defecto
Diego Díaz Martínez
Polivalente hiperactivo. Enfermo do "balompié". Só estás a un mal día de ser coma min.
Artículos: 755

Deja un comentario