O Anecdotario: “O nacemento de Diegol”, por Juanma

Un bautizo de resaca que eclipsou unha actuación soberbia
Cando das toques nunha foto de equipo…

Despois dunha tempada boa coa UD Pastoricense tocaba xogar a Copa, tocounos visitar Valadouro. O verán anterior actuara en (Fonmiñá) Lucía Pérez e xusto nos representaba en Eurovisión. Estabamos uns cantos do equipo (case nunca saíamos o día antes do partido). Ese día tocou facerlle a nosa homenaxe particular a dito festival que consistía en beber unha cervexa por canción que soaba… Queriámoslle mandar boas vibracións… (risas)

O resultado foi que un xogador (non direi o nome pola súa boa reputación) non puido ir xogar ao día seguinte. No seu sitio, entrou a última hora ‘Diegol’ que fora outro dos que estivera o día anterior. Íamos no bus e dita persoa dicía: “pero que farei indo xogar a Valadouro”. “Voume durmir no banco…”.

Facilita o adestrador a alineación e este home sae titular. 90 minutos no que mete os 2 goles da UD. Empatamos e na ronda de penaltis, para máis inri, mete o penalti da vitoria… Nace ‘Diegol’ e tapa un pouco a artistada que montei en dita tanda na que fun expulsado por dobre cartón amarelo (ambos ensinados nela). Iso contarase outro día… (risas)

Juanma García Rozas. Defensa dos de antes. Xogador do Pastoricense

Imagen por defecto
Diego Díaz Martínez
Polivalente hiperactivo. Enfermo do "balompié". Só estás a un mal día de ser coma min.
Artículos: 754

Deja un comentario