portada maxicos

Máxicos Luca’s Grill. Xornada 10

A volta dos máxicos da Primeira estivo condicionada pola Covid-19. Un total de cinco partidos correspondentes á decima xornada da fase regular foron adiados por mor de positivos en distintos equipos. Aínda así, houbo cinco partidos que sí se xogaron, facendo resistencia contra o dichoso bicho:

Luca´s Grill
Moreno´s Pizza

Portomarín 3-1 Chantada Atlético: a igualdade foi a protagonista no Chao da Poza. Os locais adiantáronse por medio de Mario e Fernandito ampliou diferenzas ante un Chantada Atlético que pagou caro a súa falta de efectividade nos primeiros 45′. Tras o descanso, o Atlético anotou o 2-1 pero, na seguinte xogada, os miñotos fixeron un 3-1 que se converteria en definitivo pese aos intentos visitantes de recurtar diferenzas de novo.

Xove Lago 1-0 Alfoz: partido moi pechado e igualado o que se viviu no Municipal de Xove. Os locais mandaron ao comezo e os visitantes melloraron no final do primeiro tempo. Na segunda metade, o xogo foi moito máis directo e unha gran acción individual de Carlos decantou o resultado a prol do Xove Lago, aínda que o Alfoz se voltou e a piques estivo de acadar o empate.

Outeiro de Rei 1-2 Monterroso: un Outeiro superior conseguiu adiantarse nos primeiros vinte minutos logo de controlar todo o xogo ata ese minuto. A partires de aí, o Monterroso subiu as súas liñas e, despois de dous roubos no medio do campo, remontou o resultado en poucos minutos, 1-2. No segundo tempo, os visitantes apretaron os dentes en defensa, mentres que os locais buscaron espazos para atacar, pero non os atoparon. Finalmente, tres puntos para un Monterroso que asinou a súa cuarta victoria consecutiva.

Riotorto 3-2 Folgueiro: choque vibrante na Veiga no que ningún dos dous equipos foi quen de mostrar a súa mellor versión. O Riotorto desaproveitou as súas opcións no primeiro tempo, pero no segundo conseguiron poñerse 2-0. A partires de aí mellorou o Folgueiro, que recurtou diferenzas cun penalti e logrou o empate a 2 no 85′. Co 2-2, os locais arriscaron e conseguiron o 3-2 definitivo no minuto 93′.

San Roque 0-0 Friol: partido con pouco ritmo na Polvoreira que se saldou co resultado gafas.Moitos xogadores locais viñan de pasar a Covid nas últimas datas e iso traduciuse en pouco fútbol e poucas pernas. O Friol, pola súa nada, estivo a piques de levarse os tres puntos na recta final, na que o gardamallas Roi se erixiu como o heroe do duelo ao salvar dúas ocasións claras dos visitantes.

Adiados: Guntín – San Lázaro; SD Chantada – Taboada; Castro – Burela; Lourenzá – Pastoricense; Sporting Pontenova – Pol.

Imagen por defecto
Santi Real

De campo en campo. Maniaco do fútbol. En formación continua, aprendendo cada día.

Artículos: 499

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.