portada maxicos

Máxicos Luca’s Grill. 2ª Fase, Xornada 1.

Os Máxicos comezaron a segunda fase da Primeira Galicia na nosa provincia. Os clubes lucenses pelexan desde este domingo pola consecución dos obxectivos nesta 21/22.

Luca´s Grill
Moreno´s Pizza

GRUPO ASCENSO

Deportes Élide

Portomarín 1-1 Burela: un gran Burela puxo en serios apretos ao Portomarín no Chao da Poza. No primeiro tempo propuxeron máis os miñotos, pero foi Chumi o que salvou ao seu equipo con dúas grandes intervencións a remates dos mariñáns. No segundo tempo, o Burela gozou dun penalti co 0-0, pero errou e na xogada seguinte adiantouse o Portomarín cun centro lateral. Tras o gol, os visitantes subiron o ritmo e conseguiron o empate por medio dun ‘pase da morte’. 1-1 final nun choque moi entretenido.

Taboada 1-0 Riotorto: partido moi igualado na Medela ‘Canti’ entre dous conxuntos que xogarán a segunda fase sen presión, pois xa teñen os deberes máis que feitos. A intensidade e o bo ambiente primaron en Taboada, mentres que o fútbol estivo protagonizado por dous conxuntos atrevidos que xogaron as súas armas, o Taboada con contragolpes e o Riotorto cun xogo máis elaborado. Un solitario gol na recta final de Potente logo dunha internada de Mosky deu os tres puntos aos locais, que conseguiron a súa primeira victoria nesta fase de ascenso.

SD Chantada 3-2 Pol: o Chantada sacou tres puntos de ouro ante o Pol nun choque moi divertido para o espectador. O balón parado foi determinante para os locais, que anotaron os tres goles por medio dese tipo de xogadas. O Pol soubo responder ao primeiro gol, empatando tan só dous minutos despois, pero os locais fixeron o 2-1 pouco despois do empate. No segundo tempo, o Pol fixo o 2-2 ao comezo, pero outro balón parado no 85′ decantou a balanza a prol da SD, 3-2.

Chantada Atlético 0-2 Castro: partido moi disputado no Sangoñedo no que ambos conxuntos propuxeron un fútbol moi entretido para o espectador. Os de Fernando Corredoira foron máis agresivos na primeira metade, pero tras o descanso os visitantes deron un paso adiante e conseguiron un penalti que se traduciu no 0-1. Cos locais volcados, o Castro logrou o definitivo 0-2 nos últimos intres do xogo.

GRUPO PERMANENCIA 1

Monterroso 1-3 San Roque: comezou ben o Monterroso, pero un inmenso Roi evitou que os locais se adiantasen na recta inicial. A sorte estivo do lado visitante cun gol en propia meta dos vermellos, e Jano fixo o 0-2 antes do descanso, que sentou como un mazazo aos locais. No segundo tempo, Iago Alonso asinou o 0-3 cun golazo, e Lorenzo recurtou diferenzas desde os 11 metros, pero non foi suficiente para os de Cerdeiriños.

Sporting Pontenova 1-1 Pastoricense: partido moi igualado e competido por parte de ambos conxuntos. O Sporting propuxo máis con balón, pero o Pastoricense apretou os dentes e puido transformar nalgunha contra. O segundo tempo seguiu un guión similar, pero o Sporting adiantouse e, tras o 1-0, os visitantes deron un paso adiante e conseguiron o empate por medio de Iago tras un balón parado na recta final, aproveitando ademais que os locais non foran quen de sentenciar.

Folgueiro 2-0 San Lázaro: bo partido dos locais ante un San Lázaro que no rematou de adaptarse ao terreo de xogo. A primeira parte foi moi igualada, con moito xogo directo, pero foi o Folgueiro o que se aproveitou dese fútbol e fixo o primeiro gol no primeiro tempo. Tras a reanudación, un penalti a prol dos locais converteuse no 2-0, e no 65′ os visitantes quedaron cun home menos, algo que serviu ao Folgueiro para dominar sen pasar apuros e certificar a primeira victoria da segunda fase.

GRUPO PERMANENCIA 2

Guntín 0-1 Outeiro de Rei: un golazo de Artai nunha gran acción individual decantou a balanza a prol do Outeiro no Ladairo. Foron máis incisivos os visitantes no primeiro tempo e no comezo da segunda metade, e contaron con varias ocasións que puideron traducirse no 0-2. O Guntín apretou na recta final, sobre todo por medio de xogadas a balón parado, pero a defensa do Outeiro mostrouse moi sobria ao longo dos 90′ e conseguirono así tres puntos moi importantes nesta segunda fase.

Friol 2-2 Alfoz: moita igualdade na Reigosa nun choque no que o Alfoz se adiantou por partida dobre pero o Friol foi quen de reaccionar. Comezaron mellor os mariñáns, que anotaron mediada a primeira metade o 0-1. No segundo tempo foron máis agresivos os locais, que conseguiron o empate. Pouco despois, o Alfoz volveu adiantarse e, cando xa celebraban a victoria, un gol de Isaac no minuto 89′ traduciuse no 2-2 definitivo que supuxo o reparto de puntos.

Lourenzá 3-1 Xove Lago: logo dunha primeira parte moi igualada, o Xove saíu mellor do paso por vestiarios e Maikel fixo o 0-1. Porén, foi a partires deste gol cando espertou o Lourenzá. Nun rexeite dunha falta lateral, Yago Cruña puxo o 1-1 cun zurdazo pola escadra. Na seguinte xogada, o Lourenzá completou a remontada facendo o 2-1. O Xove entón arriesgou e os locais castigaron ao contragolpe, poñendo o definitivo 3-1.

Imagen por defecto
Santi Real

De campo en campo. Maniaco do fútbol. En formación continua, aprendendo cada día.

Artículos: 524

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.