I: Moi ben, honestamente nunca me poño ningunha meta nos encontros de ver cantos goles teño que meter. A ver se a semana que vén podo manter a xeira e facer tamén un partido bon para axudar á Milagrosa.

FIL: Como está a ser esta tempada para ti?

I: Levaba varios anos sen xogar ao fútbol porque estaba un pouco queimada desa faceta. Si que seguía vencellada ao deporte coa Milagrosa coma adestradora grazas a Héctor. Este ano decidín retomar a actividade e Pipo deume a oportunidade de volver a collerlle cariño ao fútbol e desfrutando de minutos.

«A Milagrosa pode rematar a tempada máis arriba»

FIL: Estades nunha posición tranquila na táboa. Como se encontra o equipo?

I: Estou sentindo ben ao grupo. Somos un equipo moi novo e iso nótase nos resultados, xa que cando vemos que nos marcan temos tendencia a que o noso ánimo caia. Estamos a mellorar cada vez máis ese aspecto para intentar rematar a tempada en postos máis altos.

FIL: Ese primeiro paso podería chegar no derbi ante o Comercial esta fin de semana. Como afrontades ese encontro?

I: Si que se fala nos adestramentos de que hai nervios, pero eu estou moi tranquila e esperando que todo nos saia o mellor posible no encontro. Penso que temos unha grande vantaxe ao xogar en Frigsa que intentaremos aproveitar para acadar a vitoria.