Seguimos repasando as II Xornadas Futbolinlugo celebradas en Burela o pasado mes de novembro. Desta volta é o turno de Óscar Gilsanz, un vello coñecido do noso fútbol logo de seu exitoso paso polo Racing Vilalbés, ao que adestrou durante catro temporadas. O técnico betanceiro foi quen de clasificar aos chairegos para o play off de ascenso a Segunda División B na temporada 2017-2018.

Actualmente é o adestrador do Fabril, filial do RC Deportivo da Coruña, e anteriormente foi o máximo responsable técnico do equipo xuvenil de División de Honra da entidade herculina, co que se proclamou campión de España.

Un currículum envidiable o de Óscar Gilsanz que tivemos o previlexio de gozar coa súa presenza en Burela. O técnico titulou a súa charla ‘Formar e Competir‘, e debullou polo miudo a súa experiencia como máximo responsable dun conxunto de formación ao máximo nivel.

II Xornadas Futbolinlugo: Óscar Gilsanz.