F. Corredoira: «No Chantada Atlético vin a confianza que non tiven»

Falamos co novo técnico do Chantada Atlético de pasado, presente e futuro

Esta foi unha temporada estraña para todos. E para algúns más que outros. Nese saco podemos incluir a Fernando Corredoira. Un home de fútbol, cunha dilatada carreira como xogador e cun prometedor futuro como adestrador. Falamos hoxe de pasado, presente e futuro co novo técnico do Chantada Atlético.

Corredoira, na súa presentación co Chantada Atlético. EP

FUTBOLINLUGO: Boas Fernando! Imaxino que ademais de rara, esta temporada resultou dura ao quedar tan preto do ascenso co Pol… 

F. CORREDOIRA: É a temporada máis rara na miña vida deportiva, a de todos eu creo. A nivel persoal estabamos no mellor tramo e foi unha pena que todo rematase así.

Cun pouco de apoio teríamos ascendido pero non se me apoiou en ningún momento nese sentido

FIL:Un detalle, un partido e quizais o Pol estaría agora mesmo na Preferente. Decepcionoute o feito de que non recibises oferta de renovación?

F.C: Foi un ano moi complicado. Eu xa contemplaba esta situación así que non foi decepción. Aínda ascendendo non me ofrecerían a renovación, sabía que non ían contar comigo. Non tiña a confianza e o apoio do que manda no club, era un tema persoal. Sei que podíamos conseguir ese ascenso.

FIL: Onde estivo o problema entón?

F.C: Creo que quen mandaba non me coñecía ben. Non é un home de fútbol. Se non tivésemos fallado ese penalti contra o Riotorto no último partido, teríamos ascendido. Cun pouco de apoio teríamos ascendido pero non se me apoiou en ningún momento nese sentido.

FIL: Agora xa toca pensar no presente e no futuro. E tardaches un só día en atopar novo equipo.

F.C: Houbo xente que viu un traballo e fixo que fose todo moi rápido e moi ben. Eu quería seguir adestrando e non me importaba a categoría. Quedeime con esa mala sensación e quería facer algo esta temporada.

Aínda ascendendo non me ofrecerían a renovación, sabía que non ían contar comigo

FIL: E no Chantada Atlético dábanse entón todos os argumentos que precisabas?

F.C: O día que fun alí e vin esa predisposición e confianza, a cal non tivera este ano, empurroume a tomar esta decisión. Sentía que me ían valorar e polo menos me ían deixar traballar. Eles son ambiciosos e eu tamén. E sabía que me valorarían.

FIL: Por último, como vai ser o novo Chantada Atlético de Fernando Corredoira?

F.C: Temos ganas de comezar. A miña idea de fútbol pasa por intentar atacar e levar o peso do xogo, mirar a portería contraria antes que a nosa. Temos xogadores que se adaptan a ese fútbol rápido e vertical. Imos intentar que os xogadores esten cómodos, a gusto e sacar o máximo de cada un. Vai ser un ano complicado polas circunstancias que vivimos. Pero queremos mellorar a clasificación do ano pasado, o primeiro. E ser ambiciosos, sen marcarnos obxectivo, e ver o que chega a partir do traballo.

Luca´s Grill
Moreno´s Pizza
Imagen por defecto
Diego Díaz Martínez

Un enfermo do fútbol lucense. Adestrador Nivel-3 UEFA PRO

Artículos: 861

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.