O mes de agosto mantén o nivel de movementos no mercado lucense, a pesar de que Futbolinlugo xa chegou ao medio cento de episodios cheos de novas por toda a xeografía da provincia, incluso máis aló das nosas fronteiras no caso de que sexan os lucenses os que teñan que marchar. Precisamente é o que aconteceu esta semana con Álex Rey. Unha das promesas lucenses que recala no Somozas da Terceira División, xunto con Miguel Duque procedente do Lugo B. O viveirense Rey (irmán de Javi Rey) estará cedido no equipo coruñés por parte do Celta na súa primeira temporada como sénior. Á Terceira tamén vai parar Ibou que hai uns días anunciábamos a súa fichaxe polo Escairón, pero deulle a volta e finalmente decantouse por unha oferta posterior do Ourense CF. Pola súa banda, ao Castro chega o medio centro Alberto Rey procedente do Racing Vilalbés xuvenil.

Fran Pastor leva alternando o fútbol campo e o fútbol sala dende cativo. Sobre a herba xogou na canteira do CD Lugo, Chantada, Lemos, Polvorín e Sarriana

Na Primeira Galicia o Riotorto refórzase co centrocampista de 21 anos Fran Pastor que vén dende a Sarriana e compaxinará o fútbol co fútbol sala onde xogará no Vilalba FS; ademais, Fidalgo será o preparador dos porteiros. Máis ao norte o San Ciprián encara esta nova campaña con seis caras novas. Chegan Pablo Costa do Xove Lago, Denner do Viveiro xuvenil, Guilherme de Sao Paulo, Dani López do Porto Burela e Kaka e Martín do equipo xuvenil.  Na mesma categoría Samba chega ao Ferreira.

Na Terceira Galicia norte o Muimenta segue sumando xogadores á causa. O Pichón chegan Iago López dende o Pol e o xuvenil Adrián Orosa. Tamén no referente a equipo do grupo norte, o Celeiro ten hoxe unha cita de pretemporada ante o Viveiro xuvenil A. O vindeiro luns xogará un amigable co SD Ourol que se converte nun trofeo benéfico en favor da asociación Gadoupas de Viveiro (protectora de animais). Sortearanse dúas cestas no descanso e recollerase distintos productos (comida, menciñas,…) para os animais o día do encontró no Cembedo. Tamén hoxe o CD Rábade xogará o seu segundo encontro da súa historia, será ante o San Lázaro.

 

 

Luca´s Grill
Moreno´s Pizza
Imagen por defecto
Iván Calaza

Criado no paraíso da Terra Chá. Fútbol, entre outras moitas cousas. Hai unha vida máis barata, pero iso non é vida nin é nada.

Artículos: 549

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.