O fútbol feminino continúa medrando na provincia, despois de que a SD Chantada fixese oficial o regreso aos terreos de xogo do seu equipo de fútbol. Once anos despois, o Chantada feminino volve estar federado e xa conta con Andrea, Belén, Iria, Marian, Mirian, Natalia, Noela e Rocío. O conxunto chantadino comparte protagonismo nesta pretemporada co Carballedo CF que tamén constituíu equipo e comunicou a incorporación de Alba Lobelle como a décima fichaxe neste verán.

No tocante ao fútbol masculino destacamos a marcha dun dos valores da canteira lucense fóra de Galicia. O lateral dereito Iago Carracedo, con pasado na base do CD Lugo, marcha cara o Peralada da Segunda B despois de rematar a súa fase xuvenil no Deportivo. O cadro catalán actúa nestes momentos como filial do Girona na Primeira División.

Make continuará sendo unha das referencias do Vilalbés e cumprirá a segunda temporada consecutiva no equipo despois do seu regreso tras xogar na SD Compostela

No Racing Vilalbés chegou a segunda tanda de renovacións, logo das primeiras cinco fichaxes. Na defensa continúan o central focense Xusto Pardeiro e o lateral esquerdo David Buyo. No centro do campo mantense Alberto Lamas «Make» e na dianteira Arón. Na Preferente salientamos a renovación do viveirense Juan Manuel Pena «Bossa» que continuará sendo un dos referentes do As Pontes. Ademais a Sarriana ficha o mediocentro Diego Núñez que a última temporada vestiu a camisola do Castro.

Por último, o Cospeito xa ten a súa primeira incorporación. Trátase de Cristian Cancio que procede dos xuvenís do Racing Vilalbés que a temporada pasada xogou na División de Honra. O xogador adáptase a varias posicións dentro do terreo de xogo e será unha das poucas novidades do cadro cospeitense de cara a vindeira temporada. Ademais no grupo sur da Terceira chega unha nova fichaxe para o Río Sil; Manolo do Taxi «Malulo» que por diferentes motivos tivo que deixar o equipo volve ao cadro soberino para reforzar a defensa.

 

Luca´s Grill
Moreno´s Pizza
Imagen por defecto
Iván Calaza

Criado no paraíso da Terra Chá. Fútbol, entre outras moitas cousas. Hai unha vida máis barata, pero iso non é vida nin é nada.

Artículos: 549

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.