Mediada a semana, os clubes apuran as fichaxes e as renovacións para poder disfrutar dun tranquilo fin de semana na praia ou na piscina, xa que para moitos pode ser o último, ao comezar a rodar o balón nos encotros de preparación da temporada. Hoxe comezamos o repaso pola Terceira División. Hai apenas un par de horas, o Racing Villalbés anunciou a fichaxe do defensa Antonio López, xogador que vestiu as camisolas do Racing de Ferrol e o Somozas, entre outros.

Da Terceira pasamos á Primeira Galicia, na que o Monterroso anunciou as baixas de Torrao é José Mendez, por motivos de traballo, e de Fer, quen pon rumbo ao Castro.

Foto: Facebook Seareir@s CD Alfoz
O Municipal de Alfoz poderá ver tres novas caras nel este ano.

Alfoz, que xoga na Segunda Galicia Norte anunciou nun ambiente de tristura trala morte de Canel a incorporación de tres xogadores á disciplina do clube: Héctor do Novo, Sousa e Atoche. Por outra banda, o Mondoñedo comunicaba esta mañá cales serían os seus amistosos de pretemporada: este sábado 29 terá lugar o primeiro choque, fronte ao Andes nas Viñas da Veiga. O día 6 de agosto xogarán un triangular en Alfoz ante Alfoz e Lourenzá. Logo descansarán uns días para afrontar un partido en Goiriz o día 15 e outro en Cazás o 20. O día 27 rematará a pretemporada para os mindonienses, nun vistoso duelo ante a Comercial.

Para continuar na Segunda Galicia, pero no grupo sur, chegan novidades desde Palas. Os dos Chacotes confimaron a renovación de todo o plantel do ano pasado, ademáis da do adestrador Quintela. Tamén hai novas incorporacións no Chantada Atlético, neste caso ao corpo técnico. Fran J. García será o segundo adestrador do conxunto do Sangoñedo.

Por último, na base, o CP Calasancio informounos do momento no que se iniciará a pretemporada para os xuvenís, cadetes e infantís do clube. Curiosamente, os máis pequenos, os infantís, son os que antes comezarán, o día 1 de agosto. Os xuvenís o farán o día seguinte, mércores 2. Os cadetes serán os derradeiros dentro das categorías de Fútbol-11, pero tan só por un día, xa que eles comezarán o 3 de agosto.

Luca´s Grill
Moreno´s Pizza
Imagen por defecto
Santi Real

De campo en campo. Maniaco do fútbol. En formación continua, aprendendo cada día.

Artículos: 523

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.