Novidades no mercado, particularmente na Segunda e na Terceira Autonómica, onde os equipos apuran as súas opcións para formar cadros de xogadores que lles axuden a cumprir os obxectivos. É o caso do recén ascendido Palas, que renova a parte importante do grupo: Lucas, Julio, Martínez, Samuel e Xesús renovan nos Chacotes.

Outro conxunto que retorna á Segunda Galicia é o Mondoñedo. Os mindonienses comunicaron as renovacións de Álex, Barreira, Chachi, Diego, Karro, Antonio, Adrián e Dani para procurar a permanencia na categoría. Preto de Mondoñedo, o Goiriz anunciou a continuidade de Xoel e Fran nun equipo que tentará voltar o antes posible á Segunda logo do seu descenso o seu pasado curso.

Tamén na Terceira, pero neste caso no Grupo Sur, loitará o Castroverde polo ascenso. López, xogador importante nos últimos anos, mantén o seu compromiso cos da Veiga do Olmo.