Os movementos no mercado de fichaxes lucense non paran. Comezamos hoxe por unha liga semi-profesional, a Segunda División B. A pesares de non contar con representación dun clube lucense na categoría, si contamos con diversos xogadores nela. Por exemplo, o dianteiro centro Pedrosa, formado no CD Lugo, será novo xogador do Cerceda. O ribadense xa disputou minutos ante o Deportivo nun amistoso.

En canto á Preferente Norte, o Viveiro fíxose cos servizos de Álvaro de la Iglesia, un lateral zamorano de 21 anos que chegou a debutar en Segunda B co equipo da súa terra, o Zamora, e que disputou a última temporada no Villaralbo. A falta de pechar o plantel, o Viveiro comezará os amistosos de pretemporada este fin de semana, nun triangular ante o Deportivo B e o Somozas.

O meta Joshua súmase á doutrina da Milagrosa.

Tamén temos novidades na Primeira Galicia, neste caso a pretemporada do Taboada. O día 5 de agosto visitarán Lugo para medirse á Residencia, e o día 9 irán a Vila de Cruces para enfrontarse ao Piloño. A presentación ante o seu público na Medela terá lugar o día 13, fronte ao Chantada Atlético, coincidindo coas festas da vila. O día 19 recibirán ao Atlético Escairón, equipo militante na Preferente Norte e, sen tempo a descansar, o día seguinte o seu rival será o Brollón no campo nos Medos. Unha semana despois pecharán a pretemporada ante o Portomarín.

Xa na Segunda Galicia, a Milagrosa continúa confeccionando o seu plantel, e tras anunciar as incorporacións de Moreno e Tejeda, informou do regreso ao Luis López Gorgoso do meta Joshua Veiga, quen volve ilusionado e con ganas de conseguir un segundo ascenso co conxunto vermello e branco (xa conseguira un na súa etapa como xuvenil).No grupo norte, o Iberia anunciou a súa décimo quinta renovación para afrontar a nova temporada, Sergio. Súmase así a Pelayo, Seijo, Javi Parga, Legaspi, Marcos, Álex, Yeki, Darío, Bachir, Rubén, Antón, Aitor, Perotti e Balbón. Con estas renovacións e a fichaxe de Montoya, o clube das Valgas está a piques de completar o plantel.

Payu é a primeira incorporación do Celeiro.

Na Terceira Galicia, o Celeiro Clube do Mar incorporou a Bruno Bermúdez «Payu», un mediocentro todoterreno moi codiciado na costa que é o primeiro reforzo do Celeiro para a 2017/2018. Payu levaba dúas temporadas inactivo por motivos laborais, pero xa defendeu tres campañas a camisola da SD Ourol.

Tamén na Terceira, o Cazás xa estableceu algúns dos seus amistosos para preparar a campaña. Disputarán a Copa Xermade (Xermade, Cazás, Cabreiros e Roupar). Esta copa consisitirá nun modelo de torneo con semifinal, terceiro e cuarto posto, e final. As semifinais serán: Xermade-Roupar (día 5 de agosto en Xermade) e Cazás-Cabreiros (6 de agosto en Cazás). O 15 de agosto terán lugar o terceiro e cuarto posto, pola mañá, en Cabreiros, e a final, pola tarde, en Roupar.

No que atinxe ao fútbol base, coñecemos os amistosos do Racing Villalbés Xuvenil «A». O balón comezará a rodar para os chairegos o día 3 ante o Monterroso, para logo enfrontarse á Residencia o día 5 na Cheda. O día 12 mediránse ao Santaballés na Liga, o 16 ao Porto Burela xuvenil no Roca, o 24 ao Cabreiros na Cea e o día 31 poñerán fin á pretemporada no Trofeo Jorge Tato ante o Racing Ferrol.

Luca´s Grill
Moreno´s Pizza
Imagen por defecto
Santi Real

De campo en campo. Maniaco do fútbol. En formación continua, aprendendo cada día.

Artículos: 523

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.