Comezamos este novo Diario coas baixas do Viveiro. O club mariñán despediu cun vídeo nas redes sociais aos xogadores que vestiron de celeste o pasado curso e non van seguir este ano no equipo en Terceira RFEF. Son Yepes, Lucas Fanego, Sergio Otero, Schuster, Mayordomo, Sané, Junior, Josemi, Joel, Edgar, Iker Hurtado, Casillas, Barroso, Gorka e Anthony, ademáis de Nico Madero, do que xai publicamos a súa saída ao fútbol italiano. Con todo, xogadores como Iker Hurtado, Edgar ou Sané xa remataron a pasada temporada xogando na Sarriana, tras rematar a liga de Terceira co Viveiro.
O CD Foz anunciou as renovacións dos atacantes Xenxo, Manolo e Aitor Moreda. Polo momento, al contrario do que publicamos primeiramente, aínda non está confirmada a continuidade de Rivera no club. O Meira fichou a Iván López, defensa ou mediocentro, procedente do Castro. Finalmente coincidirá co seu irmán Óscar.
No Guitiriz continuará como adestrador Marcos Pereiro. O técnico vén de acadar o ascenso a Primeira Autonómica co conxunto do Suso Cruz. No Guntín renova un ano máis Mateo Celeiro, mentres que Luis González e Pablo Moure manteñen o seu compromiso co Chantada Atlético que este ano adestrará Edu Rodríguez.
No Santaballés xogará o vindeiro ano o lateral Manu Roca, procedente do Riotorto, onde militou tres temporadas. Ao conxunto da Veiga chega o talentoso mediapunta Adrián, procedente do Guntín.
O San Lázaro contará con Adrián Cadenas a próxima campaña, logo de finalizar o seu paso polo Pol. No Brollón continuará Davicín e no Quiroga rará o propio o defensor Brian.
O Páramo renovou ao mediocentro Dani López. Pola contra causa baixa o dianteiro Raúl, así como o segundo adestrador Martín.
A defensa Mireia e a centrocampista Estefanía selaron a súa renovación do San Lázaro.
O adestrador ‘All Star Futbolinlugo‘ Fiz Rodríguez, que a pasada temporada adestrou ao Sigüeiro da Preferente, volve aos banquiños da man da SD Compostela. O da Pastoriza adestrará ao Cadete A da entidade, acompañado polo noso Santi Real.
