O Atlético Escairón apuntalou o seu cadro de xogadores para ter un regreso o máis tranquilo posible na Preferente. O exdianteiro do Sporting Ciudad Kebé chega ao Saviñao ao igual que os ‘millenials’ Arca e Maki. Dous centrocampistas que aterran en Escairón desde o Lemos B e o Calasancio, respectivamente.
Xa na Primeira, o Alfoz fixo unha incorporación de renome por liña. Hugo ‘Xoyma’, ex do Ribadeo, dá un salto de calidade na portería. E Manolito, contrastado goleador na Mariña, súmase á xa anunciada fichaxe de Víctor desde o Foz. Pola súa parte, no Outeiro de Rei contarán co regreso do ilustre Mago ‘Charly’ á portería.
No capítulo de renovacións, Muñiz renovou co Santaballés. E o central e capitán Miguel seguirá unha campaña máis no Brollón.
