Diario dun mercado. Episodio 223.

É fin de semana, pero os movimentos no noso fútbol non paran.

A Sarriana renovou a Iván Parapar, que xunto a Javi Liz serán os encargados de defender a portería da Ribela. Tamén renovou no conxunto que adestrará Edu Rodríguez, o xuvenil Raúl. A Residencia fichou a Borja Rasilla, un vello coñecido da Cheda que xogou os últimos dous anos no Páramo e no Pol. O dianteiro arxentino Toto xogará no Atlético Escairón, a onde chega procedente do Lemos, tal e como adiantou La Voz de Galicia, Edición Lemos.

Precisamente o Pol reforzouse co goleador Dani Roca, que chega procedente do Riotorto e que acadou moi boas cifras goleadoras nas filas do Friol, e co xove Adrián Rivas, xogador zurdo que militaba no xuvenil División de Honra do C.D. Lugo. O Riotorto apuntala a súa zaga coa incorporación do veterán Jesús Pablo, que regresa á Veiga logo de dúas temporadas nas filas do Foz.

Un conxunto que segue moi activo no mercado é o Castro. Os chairego reforzáronse con Fer e Mateo, ámbolos dous procedentes do Páramo. O Burela anunciou que Flavio Madaleno formará parte do primeiro equipo unha vez rematada a súa etapa de formación.

O Palas renovou a Sanci, que seguirá unha temporada máis como un dos capitáns. O Sporting Pontenova fíxose cos servizos do gardameta Óscar, formado nas categorías inferiores do Racing Vilalbés e que disputou o último tramo de temporada co Ribadeo.

Luca´s Grill
Moreno´s Pizza
Imagen por defecto
Marcos Fernández

Apaixoado do fútbol, en especial do modesto, que aínda mantén os verdadeiros valores do deporte

Artículos: 498

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.