Diario dun mercado. Episodio 199

A suspensión do noso fútbol chega no pico da curva dos movementos
Berodia xogará finalmente no Ribadeo
Juanma, sólido argumento defensivo do Ribadeo

A suspensión do fútbol afeccionado paralizou un mercado de Preferente que se viña axitando nas últimas xornadas. Unha parálise que nos impedirá ver, polo momento, a chegada do atacante do Taboada Diego ao Atlético Escairón. Pero que permitirá recuperar lesións con moita máis calma. É o caso dunha das caras novas pola Liga. O atacante Miguel Casas, procedente do Cedeira, partiu un dedo dunha man nos seus primeiros días co Santaballés.

Este parón leva a calma á Mariña, onde os movementos eran unha constante en días pasados. La Voz de Galicia adiantou o regreso do meta Rubén ao Foz. E o Ribadeo confirmou unha serie de fichaxes, entre eles o galáctico que avanzou esta casa: Gerardo Berodia vestirá a casaca do equipo de Rafa Casanova. Un conxunto que recuperou a vellos coñecidos para a causa. O xa excentral do Pastoricense Juanma regresa ao Pepe Barrera ao igual que o atacante Adrián Barrera. Ademais, suman ao defensa do Friol Dani e ao goleador Javi Fraga. Contrastado dianteiro o de Burela, ex de Polvorín, Castro e Sarriana.

Por último, na capital a Residencia segue con varios xogadores a proba. E apunta a ter un amplo cadro de xogadores. Nel estará seguro unha das súas flamantes fichaxes: o lateral zurdo Alvarito. O apicultor, ex da Sarriana e Pol entre outros, apunta a un carril esquerdo no que faltará esta temporada o emblemático Charly. 

Imagen por defecto
Diego Díaz Martínez
Polivalente hiperactivo. Enfermo do "balompié". Só estás a un mal día de ser coma min.
Artículos: 755

Deja un comentario