Co punto e final ás competicións nesta 2019/2020, os distintos clubes comezan a pensar na 20/21. Xogadores, adestradores e directivas están a tomar as decisións que determinarán o futuro de cada un na vindeira temporada.

Así, hoxe traemos unha nova edición do Diario dun Mercado, e vén chea de despedidas. Por exemplo, a que protagoniza Unai Merino no Polvorín. O gardamallas vasco asinara o pasado verán polo conxunto albivermello logo de obter o premio do concurso organizado por Soloporteros, no que porteiros de todo o país pelexaron por un contrato profesional. Un ano despois, Unai pon fin a esta etapa. Tamén na Terceira División, o defensa chantadino Pedro Delgado asina polo CSD Arzúa, un clube que vén de firmar unha magnífica campaña na categoría.

Outra saída, neste caso na Preferente, é a de Hugo Buide. O xogador de Castro de Rei deixa a Sarriana despois dun ano na Ribela, no que anotou cinco goles. E tamén na Primeira Galicia di adeus un adestrador moi querido no sur da provincia: Juan Rodríguez abandona a disciplina da SD Chantada logo da súa segunda etapa no Sangoñedo, que durou catro anos. O técnico do primeiro equipo da SD pecha así un exitoso ciclo no que tamén traballou como coordinador do clube e no que tan só faltou a culminación co ascenso á Preferente nesta 2019/2020.

Por último, na Segunda Galicia Norte, o centrocampista David Celeiro despídese do Celta Barreiros tras ser un xogador importante para os mariñanos nesta última campaña.

Luca´s Grill
Moreno´s Pizza
Imagen por defecto
Santi Real

De campo en campo. Maniaco do fútbol. En formación continua, aprendendo cada día.

Artículos: 523

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.