Diario dun mercado. Episodio 104

Aínda coa Copa Deputación en marcha, o mercado no fútbol lucense xa comeza a moversecon forza. Anxo Fernández non segue no banco do Folgueiro por motivos laborais. O conxunto do Vicedo terá que buscar adestrador logo do seu ascenso a Primeira Autonómica. Tamén terá que acudir ao mercado o Rubián logo de que se confirmase a saída de Perry do banco do Poste.

Logo de ser campión de Segunda co Folgueiro, Anxo vese obrigado a deixalo clube por motivos laborais

Na Preferente, o Lemos incorpora a Ramón, gardameta xoven pero con experiencia, formado no Calasancio e na canteira do Deportivo. Formou parte do Somozas, Arteixo e nesta última temporada do Montañeros. Tamén o Lourenzá se prepara para competir a vindeira temporada en Primeira Autonómica. Chegan a Santa Cruz dous vellos coñecidos: Paulo e Jose, formados no clube laurentino, pero procedentes do Racing Vilalbés, co que xogaron na Liga Nacional Xuvenil. Ademáis, estarán ás ordes de Diego Rego, Álvaro que chega do Cabreiros e tres xuvenís da inesgotable canteira das Escolas Deportivas: Luis, Miguel e Manu Santamarina.

Sen saír da Mariña, o San Ciprián renova a Racha e Dani López para o seu novo proxecto en Segunda. O Incio asegúrase a continuidade da columna vertebral do equipo. Logo de realizar unha boa temporada en Segunda Autonómica, o cadro amarelo seguirá contando con José, Pedro, Edu, Diego Gayoso, Urdi, Bieito, Vila, Manu Campo, Roi e Raúl. Outro dos conxuntos que contará coa maior parte do plantel da pasada temporada é o Celta Barreiros. Na temporada do seu retorno a Segunda, Roberto seguirá vestindo a elástica celeste.

Na Terceira Autonómica, o Lemos B renova a Germán e incorpora a Juan Rodríguez, do Calasancio e a Gerardo, do Rubián.

 

Luca´s Grill
Moreno´s Pizza
Imagen por defecto
Marcos Fernández

Apaixoado do fútbol, en especial do modesto, que aínda mantén os verdadeiros valores do deporte

Artículos: 500

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.