Destacados Primeira. Xornada 33

O ascenso decidirase na última xornada

*Friol-Sporting Pontenova: Un colista peleón caeu na Reigosa de maneira moi digna. De feito, na segunda metade xogaron ata catro xuvenís na Pontenova. O Friol saiu serio e xa mandaba por 2-0 ao descanso. Na reanudación, Dani pechou o seu doblete e asegurou a permanencia de maneira matemática. O atacante do equipo de Jon Vázquez segueliderando a loita polo pichichi da categoría. Unha semana máis, os erros defensivos condicionaron en exceso ao conxunto de Andrés Bouza.

*Atlético Escairón-Páramo: Confirmouse o descenso do Páramo. De pouco serviu o tanto inicial de Dieguito, nun rexeite dun penalti lanzado polo propio zurdo. Os visitantes perdonaron dous mans a man. E o Atlético Escairón fíxose co partido co paso dos minutos. Arias empatou nun saque de esquina antes do descanso. Julito fixo o 2-1 á volta dos vestiarios para os do Saviñao, que xogaron un bo rato con dez xogadores. Lázaro lesionouse e non había cambios. Os vinte minutos finais resultaron frenéticos. Os azulóns aumentaron as diferenzas. Jonathan fixo soñar de novo aos de Fontal. Porén a falla de forzas, a expulsión de Regueiro e o cuarto dos de Eskalza; afundiron aos das Rapadas.

*Taboada-Xove Lago: Adeus ás posibles pantasmas. O Xove Lago certificou a permanencia nunha temporada complicada, cun inicio de competición moi duro. No artificial da Medela, os de José Manuel tiraron de carácter e bo facer. Afogaron a un Taboada en forma dende o pitido inicial. Dous golazos de Juanjo Coello e Diego Chao abrían brecha. Os de Martín Murado responderon con outra obra de arte de Diego. Os mariñáns traían a lección ben aprendida. Andrés Bustelo marcaba de novo para os visitantes antes do descanso. Na reanudación, o Xove controlou a un Taboada que non atopou o seu fútbol. E Juanjo Coello pechou a goleada nas postrimerías.

*Pastoricense-Santaballés: Acabáronse as matemáticas no Acebreiro. O Pastoricense seguirá un ano máis na categoría. Un tempraneiro gol de Iván deu confianza aos de Fran Veiga ante un Santaballés que tivo balón e pouco perigo na primeira metade. A historia repetiuse tralo descanso. Un tanto de penalti ao comezo da reanudación puxo máis terra de por medio. Dani fixo o terceiro e definitivo gol nun man a man ante Ivo despois dunha longa cabalgada. O contragolpe local impúxose aos chairegos, que non viviron a súa mellor tarde.

*Pol-Monterroso: Encontro de poder a poder no Manuel Luna, con moitas ocasións para ambos conxuntos. O balón parado resultou chave na primeira metade. Nico Madero adiantou aos de Abad nun saque de esquina. Pouco durou a alegría. Tres minutos máis tarde, Lorenzo igualaba o encontro para o Monterroso dende o punto de penalti. Tralo paso pola zona de vestiarios, mantívose esa mesma tónica de emoción e oportunidades. O Pol mostrouse máis acertado no tramo final e levou o triunfo cun tanto de Fran Pastor.

*San Ciprián-Chantada: O San Ciprián regresa á Segunda Galicia despois de caer ante un Chantada en plena loita polo ascenso. Os mariñáns evidenciaron un dos problemas habituais desta temporada: a falta de contundencia nas dúas áereas. Algo que un rival en plena forma non perdonou. Os de Juan Rodríguez xa gañaban por 0-3 na primeira metade, con doblete de Anxo incluido. Manu pechou a goleada na reanudación. No Sangoñedo manteñen o soño dun posible ascenso. A fórmula é sinxela á par de complicada. Precisan que a Residencia non gañe na última xornada ao Pastoricense. Ademais de gañar o seu encontro ante o Outeiro de Rei.

*Riotorto-Lemos: Un valioso punto que permite a Riotorto disfrutar un ano máis da Primeira Galicia. Os dous goles do encontro chegaron nunha primeira metade aberta. Armesto abriu a lata para o campión e Lourido igualou no ecuador da primeira metade para os locais. O partido pechouse na segunda parte, na que apenas existiron achegamentos con perigo. Coa permanencia xa atada, o adestrador Ramón Labrada comunicou que non continuará a próxima campaña no Riotorto, poñendo fin a un bo ciclo de cinco tempadas na vila mariñana.

*Chantada Atlético-Burela: Dura derrota dos chantadinos, que os deixa a expensas dun posible segundo arrastre dende a Preferente (Foz). O Burela foi superior en todas as facetas do xogo baixo unha abafante calor. O Chantada Atlético viu como o linier anulaba un penalti. E tamén era invalidado un gol. Os de Jaime adiantáronse na primeira metade e sentenciaron despois do tempo de lecer nun balón parado e nunha transición.

*Outeiro de Rei-Residencia: Non defraudou o gran encontro da xornada. Iso sí, a Residencia quedou sen ascenso esta xornada. Agora precisa gañar ao Pastoricense ou, no caso de non facelo, que o Chantada non leve os tres puntos ante o Outeiro de Rei. Un conxunto, o de Cholas, que mandou na primeira metade. Un erro defensivo propiciou o 1-0 ao descanso. Na reanudación, o segundo gol local e a expulsión do visitante Iago; deixaban todo a favor do equipo azulón. O cadro de Álvaro Meilán creceuse na adversidade ante un rival que non foi quen de matar o partido. A escadra branquiazul xerou ocasións cun fútbol máis directo e igualou no minuto 88. Tendo incluso algunha máis para levarse o triunfo no desconto guiados por un gran Raposín.

Luca´s Grill
Moreno´s Pizza
Imagen por defecto
Diego Díaz Martínez

Un enfermo do fútbol lucense. Adestrador Nivel-3 UEFA PRO

Artículos: 861

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.