Destacados Primeira. Xornada 17

*Taboada-Burela: Encontro complicado, con máis ocasións que fútbol no Castro Seoane de Antas. Ambos equipos apostaron por estilos de xogo completamente diferentes aínda que a batalla quedou en táboas. Adiantouse rápido o cadro mariñán porén o Taboada remontou cun doblete de Gabriel. Xusto á volta do descanso, o Burela volveu marcar. Un gol coa mesma sinatura que o primeiro: Javi Celes.

*Friol-Lemos: Os monfortinos tiveron a iniciativa pero esta vez faltoulles profundidade. O Friol fíxose forte a balón parado e provocou a segunda derrota do Lemos esta tempada. Brais abriu a lata nun saque dende o curruncho. Os de Edu Rodríguez empataron minutos máis tarde despois dunha boa xogada por banda dereita. Na segunda metade, os de Jon Vázquez perdonaron dous mans a mans porén Brais conseguiu deixar os tres puntos na casa. Doblete para rubricar a sorpresa da xornada.

*Riotorto-Xove Lago: Gran posta en escea dos de Labrada, que encontrou o seu premio co gol de Pedro Díaz. Un destacado Diego Chao igualou pasada a media hora de xogo. Na reanudación rexistráronse moitas interrupcións e o Riotorto quedou con dez pola expulsión de Pedro Díaz. Ambos conxuntos dispuxeron dunha oportunidade de ouro para levar os tres puntos. Diego Chao topouse co pau e Felipe Varela rozou o tanto no desconto para os locais. Por certo, Parapar regresou á portería dos da Veiga.

*Chantada Atlético-Santaballés: Partido tosco e sen claro dominador. O Santaballés adiantouse nun lanzamento de falta directa na primeira metade. Tralo paso pola zona de vestiarios, un erro defensivo local propiciou o segundo tanto dos de Dani Moirón. Os chairegos mostráronse moi sólidos a nivel defensivo e puxeron a puntiña nun saque de esquina.

*Pol-Páramo: Os de Abad despediron o ano cunha victoria moi necesaria. A igualdade marcou os primeiros corenta e cinco minutos. O Pol dispuxo dalgunha ocasión máis e así Ibai puido conseguir o 1-0. Na segunda metade, Fontal axitou o seu banquiño. O Páramo mellorou e Borja Rasilla igualou a pase de Robertito. Nos últimos minutos, Ferreirós foi expulsado. Cando o triunfo do Páramo semellaba cerca, Iván González marcou para un cadro local en inferioridade numérica.

*Atlético Escairón-Sporting Pontenova: Un Atlético Escairón que dominou de principio a fin logrou un novo triunfo no Saviñao. Asier inaugurou o marcador á media hora e Andrade puxo terra de por medio no tramo final de encontro. De penalti. A Pontenova apenas xerou perigo en ataque. Aínda así fixo o gol da honra nas postrimerías do partido.

*Pastoricense-Residencia: O conxunto de Álvaro Meilán mira de preto os postos de ascenso despois de gañar con sufrimento no Acebreiro. A Residencia puido deixar solucionada a papeleta na primeira metade, na cal chegaron todos os goles. Non foi capaz. E despois complicóuselle a cousa coa expulsión de Alberto. Diego Bravos realizou dúas boas intervencións e axudou a pechar os tres puntos en xogo.

*San Ciprián-Monterroso: Mal encontro dun San Ciprián que quedou coa vitoria. Unha nova e boa actuación de Madariaga e o olfato goleador de Borja Mella, autor de dous goles, explican o resultado. Un Monterroso moi superior viu como todo se lle puxo en contra. Goles a balón parado, accións dubidosas, coiros ao longueiro… Non foi o día dos do Cerdeiriños.

*Outeiro de Rei-Chantada: Os de Cholas recuperaron o segundo posto ante un rival directo polo ascenso. O Outeiro estivo mellor na primeira metade e puido marcar máis do solitario gol que asinou. Na reanudación, o Chantada atopou algo máis de balón ante un cadro local perigoso nas transicións defensa-ataque. O colexiado anulou un tanto a cada equipo. Aínda así, o Outeiro fixo o segundo cando o encontro xa morría. Un partido de moito nivel futbolístico para pechar o ano 2018.

Luca´s Grill
Moreno´s Pizza
Imagen por defecto
Diego Díaz Martínez

Un enfermo do fútbol lucense. Adestrador Nivel-3 UEFA PRO

Artículos: 857

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.