Derbi lucense na División de Honra Xuvenil

Este fin de semana terá lugar un partido histórico no Estadio Roca de Villalba. O Racing Villalbés xuvenil mediráse ao CD Lugo nun partido correspondente á décima xornada da División de Honra Xuvenil, Grupo 1, nun derbi ata o momento inédito nesta categoría. 

A situación non é a desexada para ningún dos dous conxuntos, xa que ambos se atopan en zona de descenso, cun CD Lugo que non suma máis de 6 puntos, mentres que os chairegos aínda non lograron puntuar, a pesar de amosar unha actitude inmellorable. Sen dúbida, o Roca presenciará un partido cheo de intensidade e ambicións, un derbi en toda regra!

Futbolinlugo quixo facer a mellor previa do enfrontamento entre os equipos lucenses, e falou brevemente co adestrador de cada un dos clubes: Alex Antón (CD Lugo) e Simón Lamas (Racing Villalbés):

FUTBOLINLUGO: Ola Alex. Antes de nada, como se afronta desde o CD Lugo o derbi?

ALEX ANTÓN: Evidentemente, estamos nunha situación complicada, pero acabamos de gañar ao Deportivo e os chavales están moi motivados. Ir xogar a Villalba sempre é difícil, e nós estamos en descenso, pero imos coa maior ilusión e preparados para aproveitar as ocasiones que imos ter.

 

FUTBOLINLUGO:  O encontro, debido á necesidade de puntos, será -se cabe- máis agónico…

ALEX ANTÓN: Si, é un choque histórico, e a situación na táboa é a que é. Estamos a mediados de campaña, pero está claro que ambos necesitamos os puntos.

 

FUTBOLINLUGO: Quizais poida influir o factor campo. O Roca sempre é complicado, e máis contra un rival especialista nel e ultramotivado.

ALEX ANTÓN: Si, o campo aumenta as dificultades para nós. Non é do estilo ao que estamos acostumados na categoría, e teremos que adaptarnos.

 

FUTBOLINLUGO: Polo tanto, onde estarán as chaves para conseguir a victoria?

ALEX ANTÓN: Penso que as chaves estarán en ser capaces de marcar. A ambos equipos cústanos moito facer gol, e serán fundamentais o balón parado e as transicións rápidas. Marcamos moi poucos goles e insisto na importancia do balón parado.

 

FUTBOLINLUGO: Falando agora en xeral. A pesares dos malos resultados, como están a ser as sensacións?

ALEX ANTÓN: O equipo empezou ben, gañando nun bo primeiro partido, e despois pillamos un bache importante, tocando fondo no choque ante o Valmiñor, e a partir de aí competimos moi ben contra Oviedo, Racing e Depor. O equipo sabe o que ten que facer para obter resultados.

 

FUTBOLINLUGO: Moitas gracias por atendernos, Alex. Sorte.

ALEX ANTÓN: A vós.

Ata aquí as verbas do preparador do equipo albivermello. Vexamos agora como se afronta o partido desde o banco do Racing Villalbés:

FUTBOLINLUGO: Ola Simón. Como afrontades o derbi en Villalba?

SIMÓN LAMAS: Bueno, falando dos puntos é un partido complicado para nós e para eles, especialmente para eles, que si que teñen como obxectivo a salvación. Para nós un partido máis, estamos competindo ben en todos os partidos, merecendo puntuar, pero non o logramos. Un derbi fai olvidar os puntos, a clasificación queda a un lado… e pode pasar de todo. Xa vivimos derbis en Galega e Nacional, e pode gañar calquera.

 

FUTBOLINLUGO: Xogaredes co «factor Roca» a favor?

SIMÓN LAMAS: Quizais ofrecemos unha mellor versión no noso campo que fóra da casa, aínda que tamén damos a cara lonxe do Roca, merecendo puntuar en casa do Bansander ou do Santiago. Na casa somos máis agresivos, ademais de contar co apoio do público. O Lugo vaise adaptar ben polo seu xogo e os seus xogadores e penso que vai ser un partido moi igualado.

 

FUTBOLINLUGO: Onde pensas que poden estar as chaves para achar a victoria?

SIMÓN LAMAS: No noso campo sempre é fundamental non cometer erros e ser agresivos na nosa área. O equipo que se adianta ten moitas opcións de levarse os tres puntos, xa que remontar no Roca é moi complicado.

 

FUTBOLINLUGO: Falando do cómputo xeral da tenporada. Como están a ser as sensacións na andaina chairega na División de Honra?

SIMÓN LAMAS: Bueno, as sensacións son boas. A nivel competitivo estamos a facelo mellor do esperado. Solo tivemos un par de resultados abultados, contra Dépor e Racing, pero os goles foron nos minutos finales. Os partidos estanse decidindo pola maior calidade dos xogadores rivais. Estamos merecendo puntuar, e a nivel de formación para os rapaces, competir nesta liga é unha sorte.

 

FUTBOLINLUGO: Gracias por atendernos, Simón. Sorte.

SIMÓN LAMAS:  A vós.

Desexamos toda a sorte do mundo aos dous representantes lucenses na máxima división do fútbol xuvenil! Que reinen a deportividade e o espíritu competitivo!

Luca´s Grill
Moreno´s Pizza
Imagen por defecto
Santi Real

De campo en campo. Maniaco do fútbol. En formación continua, aprendendo cada día.

Artículos: 525

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.